486 時勢造英雄 時運一到必定會有帶領我哋大粵獨立建國嘅粵獨英雄出現 各位粵人稍安毋燥

486 時勢造英雄 時運一到必定會有帶領我哋大粵獨立建國嘅粵獨英雄出現 各位粵人稍安毋燥


粵獨若果想由一股思潮變成一個實質嘅政權，一個實質嘅國家，絕唔係靠社運學運呢啲一盤散沙嘅街頭運動就可以做到，至於嗰啲自hai式嘅公投嘉年華，更加祇係過眼雲煙，根本就唔會起到的朵決定性嘅作用。粵獨係政治思潮，政治呢家嘢，從古至今，由東方到歐西，都係由啲有志向有膽力夠狼胎嘅野心家嚟玩，而唔係由啲升斗市民嚟把持。

依家好興講民意授權，但係民意唔係大嗮嘅，民意需要有一個聚焦嘅過程。民意事實上要由政治家/政棍/政客嚟聚納，嚟利用，所謂嘅授權就係指呢樣嘢，若然唔係民意就會發散，以至民意發散嘅極限就係無政府主義，亦即係唔再需要民意代表，因為每一個人都係佢自己嘅代表。而事實上，呢個世界喺進入人類文明嘅信史時代以嚟，無政府主義根本就未曾出現過一日，出現嘅祇係一個個國家機器。講得機器，自然要有人操縱，有人服從，顯然，操縱嗰啲當然就係啲政治野心家喇，平民冇能力做到呢啲嘢，呢個係一個好顯淺簡單嘅道理。

粵獨要成事，一要有粵獨先知，二要有粵獨英雄，三要有粵獨精英，有齊呢三類人粵獨一定掂，普通嘅粵人平民跟著尾就得，而毋須實際參與粵獨。粵獨先知構建粵獨思想，堅定粵獨信念，創建粵獨政團，主控大粵黨政。粵獨英雄創建粵獨武裝，統率粵軍打撈頭，主控大粵軍政。粵獨精英輔助粵獨先知同粵獨英雄，主控大粵財金產經同科研文藝。呢三類人，構成粵獨嘅指揮中樞。

家陣有粵人不時就講埋嗮啲粵獨點沉點無能嘅晦氣嘢，抱怨粵獨點解就冇啲聲氣同冇啲喐動，噉又有咩作用呢？噉祇會令自己嘅士氣喪失，講真，我好唔鍾意呢種咁冇鬥心嘅頹廢情緒。作反係要講時機嘅，依家唔做嘢唔等於喺真正嘅機會嚟臨嗰陣冇能力做嘢。明知時勢唔啱仲要魯莽行事，噉祇會白白送死，兼且斷送埋將來可能嘅好機會。依家都過唔到，仲講咩將來？依家唔識耐心潛伏，往後即使有好運妳都冇命行喇。所謂自己去創造機會呢啲係純粹廢話嚟，我哋依家畀撈殖民殖到一棟都冇，人微言輕，憑乜學人講自己去創造機會？妳估我哋係美國嘅特朗普咩？！若果我哋真係咁把炮可以自創機會嘅，呢個地球晨早畀我哋玩轉囉，使好似依家噉咁折墮？

粵獨人依家所能做嘅，祇能係見機行事。先聯絡各路反支那勢力，並權衡呢啲勢力對粵獨嘅睇法同可能畀到嘅扶持力度，再從中搵個疊水嘅好靠山，跟著喺佢度搵噠地，整返個秘密訓練營地，之後招兵買馬籌建我哋嘅粵軍，再借各式機會倚靠各路強權順勢擴展我哋嘅硬實力，尤其係擴展我哋嘅軍事實力，一步步向武裝粵獨呢個方向邁進，噉至係我哋粵獨嘅真出路。就好似庫爾德人噉，借海灣戰爭之後美國制裁薩達姆恢復元氣，到美國佬直接發動伊拉克戰爭得以創建庫爾德自治政府，再到伊斯蘭國冒起幫美國佬打擊IS乘機大幅擴展兵力軍備，通過善用呢一連串機遇庫爾德人成功噉擴展提升咗自己嘅能力，進而逐步擺脫畀人百般欺凌嘅困局。

我成日都講要樂觀啲，要耐心潛伏，等待最佳時機。依家支那經已過咗鼎盛期，依家呢個支那皇帝係陝西土炮嚟，淨識搞埋啲形式主義嘅嘢，搞埋啲咩一帶一路講白啲就係同返前蘇聯陣營啲契弟做生意，試問支那噉搞落去又點會好景？喺支那歷史上，大凡係西北人當政嘅，支那就唔會有運行。若然係江澤民呢啲江浙嘅鬼馬派當權，支那仲未必會咁快衰落。

之前19世紀中後期，支那政局係塞防派同海防派之爭，後嚟塞防派力壓海防派得以主導支那，結果換嚟嘅就係1894年甲午慘敗。今日支共嘅習胡派同江派之爭，其實同19世紀塞防派海防派之爭完全一致，唯一唔同嘅，係對手換成一個比日本更加強大嘅美國，支那第二次甲午慘敗係指日可待嘅。當年塞防派一樣大力培育海軍，就好似依家嘅習政府噉，結果同人打開戰一樣照輸，導火索一樣係朝鮮半島。班撈見慣黃土食慣沙塵暴，海戰？本身就唔係佢嗰范，偏偏就又屎又爛癮，仲要搵俄國呢啲同樣唔善海戰嘅大陸國家嚟學嘢買二手軍艦，以己之短比人之長，又點會唔輸？

講白啲， 我哋耐心潛伏等待嘅最佳作反時機，就係支那第二次甲午式慘敗之後嘅混亂局面。洪秀全喺鴉片戰爭10年之後起事，孫大炮同樣喺甲午戰爭10年之後搞嘢，呢個絕唔係巧合嚟嘅。所謂時勢造英雄，若然一個唔該時不與我，噉我哋呢一代人就要做粵獨嘅先知，帶領大粵獨立建國嘅粵獨英雄等下一代嚟做。

唔能夠唔承認，依家呢個形勢，並唔係出粵獨英雄嘅時候，甚至做粵獨先知都係艱困嘅。傳揚粵獨貴在堅持，兼且心智要有韌度，唔會因為一時一刻嘅低潮而認輸放棄。近呢十年嚟，喺大粵我睇到有粵獨思維嘅人唔少，但係可以保有持續熱誠嘅唔多，喺呢裡頭，祇有少數人會形成到自己嘅理論體系，形成到自己嘅理論體系又識得做持久紀錄兼且識得喺適當地方作妥善留存嘅就更少，目前為止就祇有我一個，或者仲有D記。做粵獨嘅啟蒙人從嚟都唔容易，又要顧著搵食又要得閒嗰陣鑽研理論，要識諗仲要識寫，冇返咁上緊政治學/哲學/史學嘅功底都搞唔掂。

至於做粵獨嘅活動家嘅困難度，就更加之唔使講，係搵命搏嘅。往後粵獨英雄嘅誕生，亦必定會喺呢一班粵獨活動家/粵獨革命家裡頭脫穎而出。以粵人喺近現代嘅反支撈史，同依家粵人對支那殖民政府嘅強烈不滿，我深信，往後祇要時運一到，係必定會有帶領我哋大粵獨立建國嘅粵獨英雄出現嘅，各位粵人稍安毋燥喇。

-------------------------------

https://www.tapatalk.com/groups/namyuekok/486-t7275.html
https://www.tapatalk.com/groups/cantonia/486-t3100.html