465 粵獨齊靠民族主義未夠殺 仲要有公民社團嘅自發長期持續運轉

465 粵獨齊靠民族主義未夠殺 仲要有公民社團嘅自發長期持續運轉


支那上個禮拜嘅復仇閱兵令人再次可以實質感受到咩為之民族主義，準確啲嚟講係威權民族主義，又或者講係俄式民族主義。

雖然民族主義好多時都畀啲無知嘅盲從或者難清高嘅人權學棍批評，不過即使係噉，我哋粵獨亦冇任何理據唔投入去民族主義嘅懷抱，因為粵獨嘅本質實質就係一次粵民族覺醒同粵民族反支那殖民並尋求獨立建國嘅過程。而齊自由主義根本就突現唔出粵獨所本應具有嘅大粵本土性同特異性，譬如，若然都係齊講自由民主，粵獨同啲撈民運區別喺邊？好顯然易見嘅，粵獨同撈民運嘅分野一定係透過民族主義嚟釐清嘅，粵獨係大粵民族主義而撈民運係支漢民族主義。

民族主義好多種款嘅，唔係支那俄國嗰挺至嗌民族主義，以色列同依家日本仔即將奉行嘅嗰套亦係民族主義，兩者唔同嘅地方，係一種冇自由主義嘅元素喺裡頭，而另一種則有。民族主義對粵獨嚟講係必不可少嘅，依家問題嘅關鍵並唔係揀民族主義定唔揀民族主義，而係揀邊種類型嘅民族主義。喺理想化嘅角度睇，顯然冇人鍾意睇到大粵埋俄式威權民族主義堆，一種建基於自由主義嘅稍稍溫和同理性嘅民族主義明顯更啱我哋，不過未來嘅確切走勢係點，坦白講係難以預料，一切視乎實效，邊一種可以令大粵更有效噉抗擊支那嘅殖民入侵，噉粵獨到時自然就會揀嗰種。

就我個人而言，我係睇好自由主義嘅民族主義嘅，幾年前我就提過，我哋粵獨要揀呢種強勢嘅、基於自由主義嘅民族主義嘅理念，嚟作為我哋嘅政治信仰。齊自由主義太弱雞難以有效應對嚟自北邊咄咄逼人嘅支那威權民族主義，而且佢亦完全突顯唔出我哋大粵嘅特異性（或者講，係我哋嘅本土性，呢個係令我哋之所以成為我哋嘅關鍵，同時亦係令我哋同世界上高其他族群作出區別嘅關鍵）。

就攞日本嚟講，依家日本放棄遵循咗70年嘅中立和平安寧無爭嘅清純自由主義而轉投前途必定更具挑戰性嘅民族主義，當中必然有佢嘅理由，既然積弱同反應遲緩嘅自由主義冇辦法更有力噉同支那嘅威權民族主義抗衡，噉日本仔尋求一種更強效嘅安身立命之道亦係清理當中。應該講，日本依家所選擇嘅呢種自由主義嘅民族主義，係好明智嘅優勝之選，印度其實亦都係行緊呢條路，祇不過佢冇日本行得咁急切咁顯眼噉啫。

依家好多評論都話家陣經濟唔掂檔，支那共產黨要靠煽動啲撈嘅反日情緒嚟谷起支那國內嘅民族主義，以維持統治。呢啲其實見怪不怪，歷史上好多國家都有噉做過，問題係，支共有冇可能學得到家。普京時代嘅俄國得並唔等於支共統治下低嘅支那都得。

無論係自由主義式嘅民族主義，抑或係威權民族主義，其實都分成自下而上式民族主義，同自上而下式民族主義。好似依家支那呢種靠官方喉舌鼓動嘅就係自上而下式民族主義，講真，呢種民眾認受度並唔可靠嘅自上而下式民族主義嘅生命力遠遠唔及自下而上式民族主義。

喺以色列喺日本喺俄國，佢哋都係自下而上式民族主義，呢種自下而上式民族主義，都係民眾自發凝聚嘅，政府根本就唔使特意去做啲乜，佢哋民眾嘅內心，都有極其強烈嘅民族自豪感喺度，呢個當然有佢哋值得驕傲嘅民族歷史喺後邊作為支撐，但係齊靠呢啲顯然並唔足以解釋點解啲人會咁易就有自豪感同識得自發凝聚，呢裡頭肯定有啲咩發揮著聯絡集聚嘅作用，呢個世界邊有咁多天生邊有咁多注定吖，內裡一定有原因。

公民社團顯然就係個中嘅關鍵，點解可以睇死依家支共鼓動嘅支那民族主義唔會有運行，就係因為喺依家支那嘅社會結構裡頭，根本就冇公民社團呢家嘢。

我哋唔能夠否認一樣嘢，就係，由政府催谷嘅自上而下式民族主義係完全有可能變成民眾自發凝聚嘅自下而上式民族主義嘅，但係，會有條件，就係要有公民社團嘅存在。

前蘇聯一樣試圖催谷過佢國內嘅民族主義（當然係好似今日支那噉係自上而下式嘅），但係由於共產黨唔允許自由自主嘅公民社團嘅存在，所以民族主義喺前蘇聯時代喺俄國一直都冇咩運行嘅，直到前蘇聯變成葉利欽嘅俄國，各式反美反支那懷念帝俄同哥薩克式民間社團於是得以雨後春筍噉飆出嚟，隨著呢啲民間社團嘅強勢，一種扎根於民眾嘅自下而上式民族主義開始形成，當年普京就係利用呢道勢至得以坐穩俄國總統嘅寶座。

雖然普京喺得到權力之後一直致力緊縮俄國佬喺葉利欽時代所繼承落嚟公民空間，但係，普京畢竟係靠選票上台嘅，俄國佬嘅公民空間佢冇可能亦唔敢縮減到變零，否則會即刻引爆俄國嘅憲政危機。而且呢啲民間社團喺前蘇聯解體之後經過廿幾年鞏固積累，到依家亦唔係咁易話散就散嘅。對普京嚟講，佢打壓嘅目標祇係親西方嘅信奉自由主義嘅民間社團，嗰啲反美反支那撐帝俄嘅民族主義民間社團正啱佢用，普京係唔會整散佢哋嘅。

我哋今時今日所睇到嘅支那民族主義同俄國民族主義，驟眼睇落好似似層層噉，都係威權民族主義嘅範疇，但係呢啲相似祇係表面，俄國嘅民族主義係佢嘅基底層有千千萬萬嘅民間社團喺度活絡著喺度撐著，支那嗰啲有咩吖？冇囊冬瓜得個殼咖，連紙老虎嘅級數都未夠吖。

當今人類社會普遍嘅組織架構，每一個人係獨立嘅個體，喺佢之上，係以血緣關係為紐帶嘅家庭，家庭對上有宗族同社團，宗族同樣係以血緣為紐帶，但係組成社團嘅紐帶就複雜得多，有地緣嘅有同業嘅有同學嘅有同宗教嘅有同文化傾向嘅有同政治信念嘅有同際遇感受嘅等等等等，喺宗族同社團之上，有民族同族群，再上就係最上高嘅國家機器。

喺社會學同人類學嘅視角睇，幾千年嚟，人類社會嘅架構都係以個人--->>>家庭--->>>宗族/社團--->>>民族/族群--->>>國家呢一五級制為基調嘅。之前嘅農業社會直到依家嘅工業社會，呢一架構並冇改變幾多，最下兩級同最上兩級係完全冇變過嘅，唯一變動大啲嘅，係最中間嘅第三級，亦即係宗族/社團呢一級。

隨著傳統農業社會嘅瓦解，宗族/血族/部落呢啲明顯經已衰敗，而讓位畀依家工業社會嘅公民社團。公民社團對今日人類社會而言，佢係聯絡個人同國家之間橋樑，係承上啟下嘅關鍵。呢啲社團既可以係好細規模嘅同學會興趣會，亦可以係同鄉會聯誼會協進會集思會同業協會，以至到組織龐大嘅教會同政黨。

人係社會性動物，人除咗最基本嘅家庭依靠之外，仲會有更大嘅情感同利益依托需求，顯然，各式各樣公民社團嘅出現會滿足到啲人。公民社團對現代人嚟講，係非常非常之緊要，佢係除咗家庭之外個人最重要嘅情感同利益依托。個人參與到呢啲形形色色嘅公民社團當中，會大為增加呢個人嘅歸屬感安全感以至成就感，令到呢個人更容易噉感受到嚟自社團群體裡頭嘅其他人對佢嘅愛同關懷，令佢感到唔再孤單以至倍感溫暖。人情感嘅正面效應呢陣會被激發，令佢會向社團當中嘅其他人主動釋放善意同關愛，於是一個人人互助互愛嘅良性循環就噉誕生。

喺社會學嘅角度睇，國家/民族呢啲嘢對個人而言層級太高離得太遠，喺平時日常生活，個人好少有機會親身感觸得到，個人成日接觸並交往得到嘅，祇係各式社團。家陣各國上層政府要喺下邊基層民眾灌輸啲乜國家利益民族情懷嘅嘢，統統都要靠呢啲多如牛毛大大細細嘅公民社團嚟中轉、加料、增益、放大。

喺自由主義政治學嘅角度睇，國家機器除咗要切實確保公民享有結社自由之外，仲需要提供一個自由度高嘅公民參與空間畀民眾，以令佢哋可以隨心所欲自由自在噉喺呢個公民參與空間裡頭創建各式公民社團。顯然，所有共產黨國家都冇可能做到呢一樣嘢。

一個欠缺發達公民社團嘅社會（譬如依家嘅支那）注定係失敗嘅，共產黨國家嘅公民社團普遍受到當局嘅嚴密監控，數量極其有限之餘多數亦天生殘疾，生存喺共產獨裁國家嘅呢啲公民社團同自由世界嗰啲根本就唔可以同日而語，有等於冇。共產黨國家嘅呢啲所謂“群眾團體”不過係啲二三線權勢嘅俱樂部（一線權勢俱樂部就係共產黨本身），佢對普通公民係關閉嘅，啲小市民根本咪使旨意加入。

正係由於冇咗公民社團喺度居中承接，所以依家支那社會至弊病多多，呢裡頭當然亦包括畀支那殖民緊嘅大粵本土社會。諸如啲咩自私自利冇信仰冇道德冇情義金錢至上晒金晒命沙塵白攉假嘢流嘢橫行偷呃拐騙四圍都係，其實都同公民社團嘅明顯缺失直接相關。因為共產黨唔允許自由自主公民社團嘅存在，所以啲人明顯欠缺安全感，而且唯有靠自己搏殺，而難以得到知音共鳴，懷疑自利冷漠自私呢啲負面嘢就會如影隨形跟著嚟。

國家機器直接就到家庭，呢個就係依家支那嘅社會架構，民族/政黨呢啲佢係直接飛過（支那共產黨等於支漢民族國家），呢個係一種好荒謬嘅體系嚟，支那咁Q多人咁Q多基層家庭，國家機器又點會指揮得晒？好明顯佢需要通過中間嘅各式公民社團去調劑，但係佢冇，結果咪係上邊共產黨講一套啲撈喺下邊做一套囉，近期最明顯嘅就係官方要抗日民間就出現去日本嘅買奢侈品潮。呢種噉嘅嘢喺韓國係絕對冇可能發生嘅，人哋韓國嗰種反日嘅民族主義係自下而上透過千萬民間社團自發凝聚嘅，民眾晨早經已形成共識，而唔係齊靠空洞無物嘅官式鼓動。依家支共要反美視美國為佢最大挑戰，但係偏偏啲有錢佬就最鍾意笛去美國轉移資產同移民，亦係同樣道理。

依家支共所鼓動嘅民族主義根本就唔可怕，因為支那現時嘅社會結構有一個致命嘅可以令呢種民族主義完全失效嘅先天缺陷喺度，依家支那並冇幾多自由自主嘅公民社團存在（即使有亦祇限於地下活動，對支那社會嘅影響力幾乎可以忽略），經已注定依家由支共鼓動嘅呢波支漢民族主義係冇囊冬瓜完全得個殼嘅啫冇料到嘅。

現時支那殖民緊大粵本土嘅政治現實，令到依家支那社會嘅弊病會無可避免噉傳染嚟我哋大粵，腐蝕我哋嘅民眾，粵獨點樣去剔除呢啲支那殖民所留低嘅信念毒瘤道德毒瘤文化毒瘤，點樣唔重踏支那社會架構空心化嘅覆轍，點樣一邊粵獨一邊喺大粵推動各式粵人公民社團嘅翻生，以令粵獨嘅信念更深噉植根喺粵人民眾嘅心，呢樣嘢值得我哋粵獨去深思嘅。粵獨唔單祇要靠粵獨政黨嘅政治宣傳同粵獨武裝嘅軍事力量，顯然仲要倚重各式撐粵獨公民社團喺大粵基層民眾裡頭嘅自發長期持續運轉。

http://namyuekok.freeforums.org/465-t6891.html
http://cantonia.freeforums.org/465-t2712.html