510 追月日之粵獨猛醒：今日流行粵西好似砧板咁大十足銅鼓鼓面噉款嘅大月餅 實質就係我哋粵人古南越根流傳至今嘅又一文化印記 若然個餅面真係整成有鷺鳥田雞太陽光芒羽人扒龍船銅鼓紋飾 噉呢啲銅鼓大餅就係見證我哋粵獨嘅最佳美食嚟喇 粵獨係銅鼓革命！

510 追月日之粵獨猛醒：今日流行粵西好似砧板咁大十足銅鼓鼓面噉款嘅大月餅 實質就係我哋粵人古南越根流傳至今嘅又一文化印記 若然個餅面真係整成有鷺鳥田雞太陽光芒羽人扒龍船銅鼓紋飾 噉呢啲銅鼓大餅就係見證我哋粵獨嘅最佳美食嚟喇 粵獨係銅鼓革命！


拜依家網路發達網購盛行所賜，祇要通過智能手機啲購物Apps，家陣妳可以好方便噉就搜刮到我哋大粵本土嘅各式土產美食，可謂應有盡有。近排八月十五，相信大把友仔會上網買月餅過節食，因為網店啲月餅價位往往都畀實體店平，而且最重要嘅仲係，妳可以喺網度買到妳所在地方買唔到或者唔興嘅極富當地特色嘅土產美食，譬如話，我今日準備要討論嘅粵西大月餅。

講到呢啲河馬咁大嘅大月餅，真係失覺，我都係近排上網買月餅睇至知，原嚟喺我哋大粵，喺古典時期雒越部落嘅世居地，喺中世紀俚人嘅聚居區，仲有啲噉嘅極具地方風情特色嘅著名土特名產出。吳川同合浦，分別係今日廣東同廣西嘅月餅名產地，呢兩個地方所產嘅大月餅，喺廣東西部同廣西南部，其實亦係極富盛名。我哋大粵嘅廣式月餅，查實遠唔祇廣州嘅蓮香樓同陶陶居，香港嘅榮華同美心呢啲，盛行喺今日粵西嘅呢啲大月餅，唔單止係廣式月餅技藝裡頭嘅重要一脈，佢內裡更加蘊藏著巨大嘅文化學上高嘅意義，呢種巨大意義，足以顛覆目前粵人過中秋嘅種種支那化認知。

今日係舊曆八月十六，亦即係所謂嘅追月。若然喺追月日追尋到一條我哋粵人古南越根流傳至今文化印記嘅線索，噉對一個粵獨人嚟講，絕對係幸事！我今日就揭盅，講下呢種巨大嘅顛覆究竟係乜：依家流行喺粵西吳川化州廉江合浦鬱林南寧一帶，好似砧板同臉盆咁大十足銅鼓鼓面噉款嘅大月餅，無疑就係粵人變種咗嘅銅鼓敬拜遺存至今嘅鐵證！點解噉講？原因好簡單，呢啲大月餅都好巨大，三斤五斤甚至七斤裝嘅都有，隻隻餅面都整到成個銅鼓噉款，雖然話餅面上高依家都變嗮做又龍又鳳又花花又月光光呢啲老土嘢，鷺鳥田雞太陽羽人扒龍船等嘅銅鼓傳統紋飾冇Q撚嗮，但係祇要妳睇睇呢啲大月餅嘅盛行地域，就輕易可以知道呢啲大月餅實質係一千二百幾年前流行喺今日陽江至崇左一帶形制巨大嘅北流型銅鼓同靈山型銅鼓嘅化身嚟！皆因呢啲大月餅喺東邊嘅珠三角一帶唔興，喺西邊越北嘅紅河三角洲流域亦唔興，而佢興盛嘅地方唯獨同北流型靈山型銅鼓嘅出土地域高度重合。

呢啲粵西大月餅整到咁撚大，擺明係拜神月餅嚟喇，拜完神就太公分豬肉分嗮畀冚族人食嘅，呢啲一睇就知係源自當地粵人敬拜銅鼓嘅遺俗。呢種搵銅鼓形制大月餅拜神嘅習俗，顯然可以成為粵獨文化脫支嘅強效發力點。粵獨唔淨祇係信念理想思潮呢啲咁抽象嘅嘢，佢仲可以係好逼真好切實嘅，以至可以係有形嘅器物崇敬，而非一味嘅枯燥無形嘅說教。顯然，粵獨嘅真實感形象感嚟自一樣嘢：銅鼓！妳撐粵獨，大可以通過網購買隻銅鼓仔返嚟擺喺妳書檯或者電腦檯上高，成日摸下佢望下佢拜下佢，當做一種精神上嘅寄託，呢樣嘢就有如妳信佛拜神，妳就會喺企個神檯度供奉觀音像一樣。餅亦一樣，啲長篇大論當然唔可以當飯食，但係若然可以將粵獨具物化化身成一隻營養豐富熱量爆燈嘅銅鼓餅將佢食落肚，噉妳話幾疏乾呢。HK嘅太平清醮都有平安包賣喇，而喺我哋大粵端午扒龍船，亦都有龍船飯食，而撐粵獨就食銅鼓餅，幾埋環吖。

我哋應該清楚，依家喺大粵本土，心水清有覺悟富學樣嘅粵獨人畢竟係好少數好少數，更加之多嘅其實都係啲羊咩愚民嚟，妳即使同佢講一大輪粵獨信念啲高章嘢，呢啲市儈嘅升斗市民都未必會明得度同即刻接受嗮喇。但係若然妳同佢講，妳搵隻大月餅嚟拜銅鼓喇，呢啲大月餅可以睇成係銅鼓餅嚟，妳拜完就食咗佢喇，銅鼓啲神力過嗮落隻餅度咖喇，呢啲就係嘅祭祀銅鼓嘅儀軌，係文化粵獨嚟吖，做齊嗮成套嘢，我哋嘅古南越先祖就會即刻保佑妳心想事成闔家安康咖喇，我睇啲亞嬸亞婆亞姆一個二個都會照著做，噉粵獨無形之中咪喺啲冇咩大志冇咩抱負嘅小市民當中傳揚開去囉。

或者有人會質疑，粵獨噉搞法咪搞到好似拜神噉俗Q撚嗮，我承認，呢啲的確係好俗，不過睇返我哋粵人敬奉銅鼓嘅歷史，由雒越到俚僚，佢哋都係拜神明祈求風調雨順宗族昌盛嘅啫，噉同我哋粵獨依家拜銅鼓祈求大粵獨立富強粵人豐衣足食冇乜兩樣吖。祭祀本身就係一種文化傳承嘅過程，而關乎粵獨嘅銅鼓祭祀，顯然應該納入去文化粵獨嘅範疇當中。

喺東南亞東亞同埋南亞，偶像崇拜喺幾千年嚟一直長盛不衰，佛教同印度教之所以喺呢啲地方發到圍，關鍵就在於佢哋大肆造神立像，將各式神明具物化同人像化。譬如睇返我哋隔籬嘅越南，人哋係點對佢哋啲民族英雄咖？個個都有廟咖！唔單止有瓦遮頭，入邊仲放埋神檯香案，逢年過節都會燒元寶蠟燭香同金銀衣紙，燒肉生果鮮花糕點應有盡有，越南佬當佢哋呢啲民族英雄，直投係神噉拜吖！受貢品香火咖！我哋粵獨係咪應該從中借鏡下呢？

我哋粵獨的確需要造神！因為人哋越南啲民族英雄早就經已變嗮做班越南佬佢哋嘅神，而我哋大粵嘅民族英雄，譬如抗擊秦兵犯粵開啟大粵信史時代嘅衛越二聖王（譯吁宋王同桀駿王），我哋大粵嘅國家英雄，譬如創建大南帝國令大粵短暫重新脫支獨立嘅儂智高，佢哋統統都未係我哋大粵嘅神！佢哋需要我哋當世粵人嘅虔誠敬拜同鼎盛香火！呢樣嘢比敬拜銅鼓係更進一步。而且依家粵人普遍迷信，妳唔嚉佢去拜銅鼓，啲契弟佢哋自己都會去拜其他咖喇，若然可以指引佢哋拜返我哋粵獨所敬仰嘅古南越英烈，噉點都好過啲人去拜關公去拜北帝去拜撈頭道教啲神怪呢啲噉嘅支那嘢喇，係咪先？

粵獨人對啲普通粵民傳揚粵獨，手法可以係諧趣輕鬆嘅，但係對自己同埋粵獨圈內嘅同道，嚴肅坦誠就係必須，拜銅鼓跟手食個餅就係粵獨呢類說辭或者講落有道理但係肯定唔係個個粵獨人都肯受落，我哋大家亦都知道粵獨絕對唔會係咁簡單嘅，粵獨畢竟係意識形態嘅嘢，講到底佢就係流傳喺粵獨人群體裡頭嘅一種心靈指引，喺呢個意義上高，傳揚粵獨其實就好似傳教一樣，基於此，所以我粵嚟粵掂至會話我係粵獨嘅先知。

作為粵獨人，妳有義務向潛在嘅粵人受眾佈道，用盡可能淺顯易為人所接受嘅方式嚟傳播我哋粵獨嘅福音，啟發佢哋投身入我哋粵獨嘅行列，因而妳需要一種平衡，介於崇高信念同顯淺傳揚之間嘅平衡，而且妳仲要對粵獨好似對待一門宗教噉樣咁虔誠熱切至得。又要深切認知粵獨嘅真諦，又要虔誠嚴肅噉睇待粵獨，又要深入淺出噉同班潛在受眾傳揚粵獨，講真吖，噉其實都好考功夫嘅，需要好畀心神去做。傳播粵獨，絕對唔係齊喺網上討論區鳩噏下吹下水咁兒戲，除咗悟性高識諗嘢，仲要有一定嘅文才同口才至得，若然係諗嘢幼稚篇嘢寫到狗屁不通兼夾又粗口爛舌，戇鳩愚昧粗鄙，噉傳粵獨法真係搵鬼嚟信妳咩。

無論歷史上抑或喺依家，即使係做賊佬頭，都係要有文化有智慧有見地嘅，各位粵獨人，我哋都係粵獨嘅精英嚟，努力提升自己喇，努力搵錢，努力求學，努力令自己更加有踐行自己抱負嘅能量，我哋要有將我哋嘅粵獨信念同藍圖變為現實嘅能力。我都係嗰句，呢個世界，作反係因為有想作反嘅人，冇人就絕對唔會有作反，粵獨之所以存在，係因為喺大粵有想作反脫支嘅粵獨人，而一旦冇嗮粵獨人，噉粵獨就會徹底瓜老襯，所以，粵獨人→粵獨運動→大粵獨立成個進程嘅核心，係粵獨人，祇有我哋粵獨人撈得掂，噉粵獨至有掂檔嘅可能，粵獨人對粵獨嘅變現力越強，噉我哋大粵脫支獨立建國嘅機會就越高。

之不過噉，喺現實世界，我哋粵獨人其實絕大多數一隻二隻都祇係平凡人嚟，妳想做超人妳想脫離凡塵高鬥啲往往都會身不由己唔由得妳，凡人煩人，做人好多時都會好Q撚煩，妳撐粵獨但係又要搏命搵錢返屋企養妻活兒顧掂朝午晚三餐，有時真係會好辛苦好氣咳嘅。當妳做嘢唔順有嘢諗唔通又或者時運實在太過低嗰陣不妨食返隻大月餅喇，妳當佢係銅鼓餅噉嚟食就得咖喇，一食解千愁，呢啲大月餅熱量高，尤其係伍仁餡嘅更加補腦，當係為自己補充營養叉足電，而精神上又可以有滿足感，銅鼓喎，靈氣十足喇，食過銅鼓餅，就等我哋嘅古南越先祖發功顯靈幫我哋大家渡過難關輕鬆挨過苦困喇。

總之撐粵獨，各位粵獨人盡咗自己綿力就得咖喇，發咗達嘅妳就射水撐粵獨，暫時冇運行嘅，冇相干唔緊要嘅，依家網購咁發達，一於上網買隻銅鼓仔返屋企，摸下佢，拜下佢，等我哋嘅古南越先祖顯靈保佑妳往後順風順水喇。中秋過咗大月餅冇得賣噉又點搞？我哋大粵仲有唔少類似銅鼓咁大隻嘅大餅品種賣喇，諸如南海西樵大餅化州拖羅餅呢啲，一年到黑都有得賣嘅，呢啲餅亦可以睇成係銅鼓餅嘅另外一啲變種。仲有，我哋粵人鍾意自家蒸糕嘅飲食習俗，無疑亦同敬拜銅鼓有密切關聯嘅，試睇下，妳老媽子或者妳老婆搵隻蒸盤蒸一底糕出嚟，蘿蔔糕又好馬蹄糕又好芋頭糕都好，個款其實同妳買隻大月餅冇乜分別嘅啫，無論係糕面抑或係餅面都係夠嗮大，十足銅鼓嘅鼓面噉款，兩者唔同嘅地方，係大月餅可以定制餅面紋飾，而蒸糕就唔得。大致上，若果實在搵唔到替代品，噉蒸一底糕拜完銅鼓攞嚟食一樣可以等同食咗銅鼓餅咖喇，祇要妳摸著個銅鼓向我哋嘅古南越先祖稟過神，神心啲話畀佢哋知妳想點有咩願望訴求，佢哋一樣會降福畀啲神力過妳嘅。

若果妳識得木刻挑花，可以整到隻有鷺鳥田雞太陽光芒羽人扒龍船紋飾嘅企身啲嘅餅模出嚟，兼且妳又整開大月餅嘅，噉妳就巴Q閉喇，大可以鳩屎啲自製出我哋粵獨第一個真正意義嘅銅鼓餅出嚟。我心目中理想嘅銅鼓大餅，首先一定要似返一面銅鼓，餅面要係圓嘅，比依家啲大月餅要高身至少一到兩倍，成隻餅成圓柱體狀，直徑/高度由細到大分成幾級：15釐米/6釐米，20釐米/6釐米，25釐米/9釐米，30釐米/9釐米，35釐米/12釐米，40釐米/12釐米，45釐米/15釐米，50釐米/15釐米，重量由四五斤到幾十斤，餡料就兩款五式，伍仁火腿/伍仁叉燒同蛋黃蓮蓉/蛋黃芝麻/蛋黃豆沙。銅鼓大餅當中最關鍵嘅係餅面嘅紋飾，鷺鳥田雞太陽光芒羽人扒龍船呢啲最好冚嘭唥有齊，噉就完美喇。

講咗銅鼓咁多，喺度順便再講講木棉花，木棉或者講紅棉，人稱英雄花，一直深得粵人喜愛，並將佢視之為我哋大粵嘅象徵，我諗，若果揀我哋大粵嘅國花，木棉花會100%全票當選。至於國鳥同國之神獸，噉就又要睇返銅鼓至得喇，喺銅鼓上高經常出現嘅鷺鳥同田雞，無疑將會係我哋大粵嘅國鳥同神獸，我哋粵人嘅古南越先祖，係以田雞為圖騰嘅侗臺系部族，呢樣嘢喺花山岩畫上高廣佈嘅田雞舞者圖案經已顯露無遺。至於所謂嘅華南虎，拉丁語學名嗌廈門虎，並非大粵特有種，呢隻種嘅老虎六七十年前仲喺東亞大陸廣泛分佈，但係家陣經已喺野外全數死絕，剩低嗰十隻八隻稍為仲有啲啲野性嘅依家慍喺福建龍岩一個虎園度吊著鹽水，好似呢挺咁弱勢就嚟要滅絕嘅物種係絕對唔適合揀嚟做我哋嘅神獸嘅，真係貪利是咩，更何況家陣華南虎仲畀班豬撈改Q咗個名做支那虎添。

喺度我有必要指出一樣嘢，就係木棉花並唔係粵獨嘅象徵物，縱使佢喺大粵甚為受眾。家陣啲人將木棉花視為係我哋大粵嘅標誌，噉祇係依家我哋粵獨喺大粵仲未有廣泛推展嘅緣故。以我睇嚟，木棉花祇係我哋大粵最出名同最受認可嘅地理標誌物，僅此而已，木棉花基本上唔蘊含粵獨所需要嘅文化學上高嘅意義或者靈感。正因為木棉花冇幾多文化學上面嘅含義，所以至會顯得唔多敏感，所以班撈頭至容忍畀妳班廣東佬借木棉嚟代指大粵。粵獨嘅圖騰，由始至終都祇係銅鼓，銅鼓係出土或者傳世古物，有著千幾兩千年打上嘅悠長歷史，銅鼓上高嘅鷺鳥田雞太陽同埋羽人扒龍船等嘅紋飾，足以令佢成為古南越文明嘅最佳實物見證，銅鼓喺文化人類學嘅範疇賦予咗我哋粵獨無窮無盡嘅能量。

粵獨同銅鼓係一體嘅，銅鼓所蘊含嘅古南越文化基因早就入滲到去粵獨嘅骨髓入邊，粵獨最最關鍵核心信念嘅建構：粵人係甌雒子孫，甌雒甌雒西甌雒越，抗擊秦兵犯粵嘅譯吁宋王同桀駿王係衛越二聖王，佢哋嘅抗秦開啟咗我哋大粵嘅信史時代，衛越二聖王係我哋大粵同我哋粵人最早嘅信史可考嘅人文聖祖，粵人並非華人唐人漢人，支那漢撈嘅炎黃同我哋唔嗱更，粵語係侗臺語而唔係漢藏語，扒龍船係古南越傳承而非嚟自支那屈原嘅呃鬼古仔，脫支廢漢，拉丁粵文，粵越同根，大粵同越南有如東西德南北韓，嶺南涵蓋兩廣越南而分裂千年，謀求粵越合併嘅嶺南統合，呢啲冚嘭唥都係基於由銅鼓所承載嘅古南越認同。可以講，粵獨人個個都係銅鼓黨，冇邊個會唔清楚，銅鼓就係粵獨魂之所在，粵獨運動嘅實質就係一場銅鼓革命！

-----------------------

https://www.tapatalk.com/groups/namyuekok/-t7394.html
https://www.tapatalk.com/groups/cantonia/-t3228.html