首先聲明一樣嘢，呢幅支那本部12省基礎疆域圖並唔係愛嚟畀班撈頭睇嘅，因為佢哋坐硬必定會睇唔順眼，將支那版圖縮水咗咁撚多，呢班撈順超至奇。反推過嚟，若然係有粵人睇到呢幅支那縮水版圖覺得唔自在唔啱又或者唔認同嘅話，噉我可以即刻話過妳知，呢條友仲係支根未脫，甚至乎仲可能係大中華膠大支那撚嚟。真正嘅鐵決粵獨人，對中華/華夏/諸夏/中國/支那/華人/唐人/漢人/炎黃呢類貨色，都係持反感規避同切割分離立場嘅，而嗰啲粵人當中嘅大中華膠大支那撚，係啱好相反，佢班嘢就至鍾意同班撈爭所謂嘅支那正統咖喇。
查實呢啲爭支那正統嘅友係正戇鳩嚟嘅，撈頭梗係支那正統嚟喇，呢樣嘢根本就唔使拗嘅！因為我哋粵人根本就唔係撈頭嘅所謂華夏，我哋仲做咩自作多情同班撈爭支那正宗啫？！我哋粵人係古南越正統，撈頭漢人係支那華夏正統，我哋粵人係正宗甌雒子孫，佢哋撈頭係正宗炎黃子孫，所以我哋粵人同撈頭漢人係各行各路冇喇冇nang嘅，而且最好永遠都唔好再有咩瓜葛。
呢幅支那本部12省基礎疆域圖經已好清晰噉表述出下邊呢四個脫支核心觀點：
脫支核心觀點一：支那本部嘅基礎疆域源自距今2250年前支那戰國時代末期嘅秦/楚/魏/韓/趙/齊/燕七國嘅疆土，呢個同時亦係支那第一個穩健王朝漢朝嘅初始領土，以依家嘅支那政區劃分嚟衡量，佢實質淨得12個省。呢12個分屬南北支那，包括有南支那嘅湖南/江西/四川/湖北/浙江/江蘇/安徽7個省，同北支那嘅河南/陝西/山東/山西/河北5個省，再外加上海呢座南支那大城同北京呢座北支那大城。
脫支核心觀點二：所謂嘅中華，所謂嘅華夏，所謂嘅諸夏，所謂嘅中國，所謂嘅支那，所謂嘅華人，所謂嘅唐人，所謂嘅漢人，所謂嘅炎黃後裔，所謂嘅黃帝血統，都唔出呢12個省嘅範圍。
脫支核心觀點三：支那嘅疆域，中國嘅疆域，中華嘅疆域，華夏嘅疆域，諸夏嘅疆域，就係指呢12個省。呢12個省以外嘅所有地方，都唔屬於中華，都唔屬於華夏，都唔屬於中國，都唔屬於支那。
脫支核心觀點四：呢12個省以外嘅非撈裔世居原住民，尤其係明確屬於東南亞北部原生土著嘅粵人港人閩人臺人，佢哋都唔係華人，佢哋都唔係唐人，佢哋更加唔係漢人。
祇有全數認同上高四條嘅，噉至可以話係完全脫支，呢個亦係作為一個鐵決粵獨人所應持有嘅最基本嘅政治立場。粵獨人裡頭，各有觀點，但係脫支信念係我哋所共有嘅價值觀。粵獨就係要令大粵脫離支那獨立建國，特別係喺政治同文化上全面脫支，全力回復大粵同粵人嘅古南越信仰，重新確立返我哋粵人係正宗甌雒子孫呢一具決定意義嘅身份認同，進而徹底噉令大粵同粵人同支那所謂嘅大華夏系切割開嚟。
我哋粵人係古南越人嘅直系後裔，若果嫌古南越人呢個概念太過空泛，噉就精準啲講，我哋粵人係西甌同雒越嘅直系後裔。古南越人一共有12個部族：西甌/雒越/蒼梧/陽禺/縛婁/句町/滇越/夜郎/漏臥/勞浸/靡莫/且蘭，佢哋嘅世居地，橫跨今日兩廣海南雲貴五省嘅遼闊地域，當中又以西甌同雒越為最重要最強大同最具代表性嘅支系。當年率領古南越人大敗入侵嶺南秦軍嘅西甌譯吁宋王同桀駿王，則係我哋大粵歷史上最早嘅兩位國家英雄。喺我哋身度，流著嘅係甌雒嘅血！我哋係甌雒嘅子孫！甌雒甌雒，甌係指西甌，雒係指雒越，我哋粵人，我哋粵族，本嚟就屬於侗臺系民族，而根本就唔係支那嘅所謂華夏系漢人唐人華人，呢個係粵獨信念嘅最最關鍵點。
喺語言上，我哋粵語嘅好多底層詞都係嚟自古南越語，尤其係喺歷史最古舊嘅粵語西部分支勾漏粵語裡頭，佢哋好多底層核心詞嘅讀音都同壯語儂語侗語水語泰語寮語等嘅一眾現世侗臺語高度一致，根據斯瓦迪士核心詞列表嚟界定語言系屬嘅呢一為當世語言學界所公認嘅劃分方式，今日嘅粵語事實上應該劃入侗臺語系。
喺古典時代後期一直至到中世紀中前期超過一千年嘅漫長時光裡頭（橫跨支那嘅兩漢魏晉南北朝隋唐朝代），成個嶺南同雲貴，都由當地土生豪族酋長世襲統治，譬如兩廣嘅陳氏冼氏馮氏甯氏，交趾嘅士氏李氏，雲貴嘅爨氏同烏蠻，都係掌握重兵割據一方嘅豪酋，呢啲豪酋，事實上幾乎就係完全自治嘅狀態，北邊啲撈頭皇帝根本就冇辦法控制，甚至乎仲畀呢啲豪酋有機會奪命篡位。
曾經參與過交趾作戰嘅支那南朝嘅最後一個朝代陳朝嘅開國皇帝陳霸先，就係出自嶺南嘅豪族陳氏，佢當年就係討伐完交趾嘅萬春國（亦即越南正史裡頭嘅前李朝）之後，率領佢自己嘅南越裔親兵，越過南嶺北伐並最終攻克金陵，滅亡支那人嘅梁朝，並建立起陳朝嘅。從粵人征戰東亞大陸呢個視角睇，近世粵人嘅太平天國同國民革命軍兩次北伐，其實亦係早有先聲。直至到今時今日，陳姓同埋同佢密切相關嘅覃姓，依然係包括越南在內嘅成個嶺南嘅大族，越南嘅陳氏後嚟亦都建立過越南自己嘅陳朝，而覃姓，則係今日廣西壯族首屈一指嘅大姓。而作為陳霸先嘅對手，建立萬春國嘅李賁，則嚟自交趾嘅豪族李氏。
同中世紀時代穩定安逸嘅嶺南相比，北邊嘅支那堪稱又衰又亂。喺公元三世紀支那嘅穩健王朝漢朝崩亡之後，成個東亞大陸隨即陷入持久動盪。班撈好熱衷嘅所謂三國時代依家睇嚟不過係班漢撈潛心內鬥嘅最佳演繹版本嚟，呢啲豬撈搏嗮命噉狗咬狗骨，結果喺無休止嘅內鬥當中將佢哋嘅精神精力精銳消耗殆盡，最終招致亡國惡果。
作為三國紛爭餘緒嘅八王之亂，係真正辣著火頭嘅導火索，不過佢所惹嚟嘅中世紀早期晉朝同南北朝時代嘅五胡入侵實質祇屬開始，隋唐唔穩定嘅胡化皇朝則係呢種混戰混亂混局嘅持續演進，胡人策動嘅安史兵變，以及隨後而嚟嘅藩鎮割據，都顯示支那所謂嘅盛唐係徒有其表。唐末五代時期嘅後五胡入侵，喺吐蕃回鶻沙陀契丹黨項各自將自己嘅勢力深入東亞之後，歷經700幾年嘅漢胡強烈雜交嘅戲碼未見停息而繼續持續噉上演著，五代當中嘅三朝，後唐後晉後漢，都係突厥沙陀人所建立嘅皇朝，沙陀入據堪稱係胡族入侵東亞嘅第二個高潮期（第一個高潮期係晉代嘅鮮卑入據）。
不過，支那喺距今一千年前進入宋朝以後，呢種咁過癮嘅狀態畀突然中止咗，無論文化體系抑或漢胡族群混聚，支那都經已進入一個成熟穩定嘅狀態，表現就係所謂儒家理學嘅風行同漢人意識嘅強固，而呢陣時嘅支那疆域，亦大致重新回復返到秦滅六國同漢朝初年嗰陣嘅狀態，祇係略多出兩廣同福建。對比唐朝同更久遠嘅漢朝，宋朝係支那疆土大縮水時代，之不過噉，宋朝嘅領土係支那人實控嘅佔據大多數，相比漢唐嗰啲多得嚟卻邊疆好多都祇係掛名名義上享有宗主權嘅所謂領土實際得多。
喺支那嘅宋代，成個嶺南被分成三份，嶺南東部畀宋朝直接統治，嶺南中西部同依家嘅貴州中東部保持自治狀態，繼續由當地土酋統治，嶺南西南部嘅交趾則獨立建國，變成越南。雲南涼山同貴州西部則係大理帝國嘅疆域。喺度應該指出嘅係，喺呢陣時，遼金夏大理圖博根本就係真正意義上嘅非支那漢撈系獨立國家，所以宋朝時期係唔存在依家啲撈頭史觀所謂嘅宋遼金夏分裂時代嘅。喺當時，遼金同朝鮮一樣，屬東北亞國家，圖博同受制於遼金嘅蒙古，屬中亞國家，大理則係東南亞國家，而支那嘅宋朝則壟斷嗮成個東亞大陸，試問佢又何嚟分裂可言？
當時宋朝同遼金夏大理圖博朝鮮蒙古嘅關係，同今日嘅支那同朝鮮韓國日本蒙古越南緬甸嘅關係等同，都係正正式式嘅國際關係嚟。所謂嘅遼宋同遼金對峙分治，呢啲祇係後嚟啲撈頭將遼金夏同大理刻意納入去支那史入邊論述，至有宋遼金夏時期所謂嘅支那分裂呢家嘢，呢個根本就係啲大支那撚嘅史觀嚟。至於支那明末嗰啲所謂分裂，噉就更加係無稽，一睇就知道係各個南明小朝廷同滿清嘅對戰，性質同北洋政府時期支那各大軍閥混戰完全一樣，都祇係支那皇朝更替時期嘅暫時亂局，而非真正意義上嘅長久分裂。事實上，五代嘅大亂係一個休止符，支那喺踏入宋朝之後，一千年間都未曾再真真正正噉分裂過。
相比宋朝，後嚟嘅明朝喺疆域上實質上祇多咗雲貴高原同甘肅寧夏呢兩噠地方，呢個明朝疆域，喺進入滿清之後，就演進成後嚟嘅所謂漢地18省。宋朝之後嘅蒙元同明朝之後嘅滿清，都唔係支那漢撈自己嘅帝國，呢陣嘅撈頭，事實上就係處喺亡國狀態當中，所以，蒙元同滿清嘅遼闊版圖根本就唔係支那嘅固有領土，亦非係班豬撈依家所應份享有嘅。
依家嘅支那版圖涵蓋著東亞/東南亞/東北亞/中亞呢四大地理單元，而文化同地理意義上嘅東亞，同東南亞/東北亞/中亞都係截然唔同嘅，呢點需要明確搞清楚。括蒼山-仙霞嶺-武夷山-南嶺-雲貴高原北緣-涼山州-迪慶州一線以南嘅地方，無論人文血統，抑或自然地理，都確切無疑屬於東南亞。圖博高原東緣-六盤山-陝晉冀段支那長城一線以西同以北，則屬於中亞同東北亞嘅範疇，而大興安嶺從中分隔開中亞嘅蒙古同東北亞嘅滿洲。
地理同人文意義上嘅中亞，絕非僅指前蘇聯嘅中亞五國，佢更加涵蓋依家嘅新疆全境亦即東突厥斯坦，以及成個內外蒙古同成個圖博高原，同埋甘肅寧夏嘅大部份，呢啲地方從有人類文明開始，一直都係亞細亞草原帝國同亞細亞游牧文化嘅核心領域。東北亞則係包括內外滿洲同朝鮮半島以及日本列島三部份。依家嘅所謂支那東北，係內滿洲，內滿洲亦即以前滿洲帝國嘅國土，而外滿洲，則係包括庫頁島在內嘅外興安嶺以南嘅所謂俄屬遠東，依家嘅滿洲，實質上係畀支那同俄國所瓜分。
至於真正意義上嘅東亞，係指山海關以西，陝晉冀段支那長城一線以南，六盤山同四川盤地西緣以東，雲貴高原北緣以北，雲貴高原東緣以東，南嶺以北，武夷山以西，括蒼山同仙霞嶺以北嘅地方，呢個範圍亦同支那嘅本土幾乎係完全重疊嘅，當中又以秦嶺-淮河一線界開，以北係北支那，以南係南支那。
大粵雲貴同福建喺人文血統同自然地理上都可以輕易同支那分割開嚟，喺剔除大粵本土嘅兩廣，西粵嘅雲貴，閩越嘅福建，同埋回撈夾集嘅甘肅寧夏，新疆佬嘅東突厥斯坦，包括青海西康川西甘南在內嘅圖博，南蒙古，內滿洲呢啲地方，以及本嚟就係孤島嘅臺灣之後，支那嘅基礎疆域實質祇有南支那嘅兩湖江西四川江浙安徽同北支那嘅晉冀魯豫陝一共12個省，再外加北京同上海兩座大城（至於天津同重慶，佢哋本嚟就屬於河北同四川，根本唔夠班單獨分立）。
呢幅支那本部12省基礎疆域圖無疑係用嚟驗証粵人粵獨決心嘅最佳試金石。大凡嗰啲認為大粵嘅兩廣海南本土應該被納入呢幅圖裡頭，亦即認為我哋大粵應該被納入所謂嘅華夏聯邦/諸夏聯盟嘅人，冚嘭唥都係啲假粵獨真親支嘅貨色嚟，同脫支根本就牛頭唔搭馬嘴。
脫支係所有粵獨人最根本嘅共識，呢樣嘢就係粵獨嘅底線，係冇得傾嘅，唔認同嘅噉就絕對唔係粵獨。至於粵獨之後大粵國體實行聯邦制抑或單一制，係咪喺大粵全境強力廢除漢字同時全力推動拉丁粵文以求盡速做到粵人喺文化上脫支，係先軍政府令大粵民國政權企穩陣腳再民主化定即刻實行全民普選，係咪真係有需要全力顛覆支共政權定係齋令支共撤出佢喺大粵嘅殖民統治並同支共政權共存同時竭力抗衡佢，呢啲都係後話，呢啲粵獨裡頭各流派嘅政見分歧點，喺往後係可以再協商討論傾掂佢嘅。就關鍵性而言，脫支同獨立至係第一要務。
嗰啲對大中華同所謂華人仲有一絲眷戀嘅人，絕對就係支根未脫，我並唔相信呢啲人經已真真正正完全脫支。呢啲人即使佢話畀妳知，佢係好真心粵獨咖，噉亦都信唔過嘅，呢度唔係話佢嘅人信唔過，而係話佢嘅政治立場本身就係騎緊牆係可以隨時兩邊擺嘅。佢呢頭可以係粵獨，不過一個屈尾十佢亦可以係100%嘅大支那撚嚟，因為佢哋根本就未過到華定唔華呢一具決定性嘅心理關口，而祇有一舉擊穿呢個重要心理阻力位，認定自己係粵裔而唔係所謂嘅華裔，噉至算係真真正正開啟到粵獨嘅大門。
喺依家大粵本土，呢啲呢頭係粵嗰頭就係華嘅友講真通街都係，佢哋憎撈，卻唔反支，甚至仲認定自己係所謂華人，兼且將粵人同華人混為一談。所以，佢哋即使呢頭要獨立，嗰頭跟手亦都要話加入返去所謂嘅華夏聯邦裡頭，佢哋認為呢啲就係粵獨。以我睇嚟，呢啲諗法真係荒謬同怪雞至極，獨得咁辛苦，跟著又話蹤返入支那嘅局度，獨立但係又唔脫支，噉獨嚟又有咩意義呢？之不過噉，我唔會責怪佢哋，因為，呢啲騎牆式兩頭都想攬嘅觀點，幾乎係大粵本土所有有粵獨意識嘅人成長成為一位鐵決粵獨人嘅必經之路嚟。
喺十幾年前，包括我同D記兩個資深粵獨人在內，都有過呢啲唔確定嘅思維。最初嘅粵獨人同最初嘅臺獨人一樣，都係靠自身經歷同感受，嚟達至信念脫支嘅。感受唔啱，就會質疑，跟著逆反，當然仲有必不可少嘅悟性，祇要過到華定唔華呢一個關鍵節點，噉跟著落嚟嘅所有嘢，包括認定粵人嚟自古南越，粵語係侗臺語，拉丁粵文，去支那化，大粵脫支獨立建國呢啲，都會水到渠成好快全數接收。喺2006年之前，我雖然反撈，但係多少仲有啲華嘅感覺，但係喺2007年之後，呢種感覺經已喺我個腦度徹底灰飛煙滅，呢一脫支嘅心路歷程，可以喺我網誌嘅舊網文度清楚顯現。呢種先係粵認同同華認同相爭持，跟著邁向全面粵化同全面脫支嘅情感經歷，大凡大粵本土嘅所有粵獨人，相信都會有深切體會。
喺周圍都充斥著支那奴化宣傳教育嘅依家呢個環境，對大粵本土嘅粵人嚟講，粵非華呢關一啲都唔容易過，反支共唔等於反支那，反撈亦絕唔等於反華夏，同樣，撐粵語同撐粵獨亦係兩樣完全唔可以等量齊觀嘅事嚟。撐粵語好多都唔係撐粵獨嘅，而撐粵獨嘅必定會撐粵語。撐粵語嘅人一樣可以將粵語矮化成所謂嘅華語裡頭嘅一個分支，呢個同撐粵獨嘅人會將粵語視為係一門獨立嘅侗臺語系語言係天壤之別。
同樣，反華夏嘅粵人背後係有古南越認同喺度支撐嘅，而齋係反撈嘅粵人因為冇咗呢種古南越認同，而會好容易受支那殖粵奴化史觀嘅干擾，誤以為自己就係所謂嘅華人。至於嗰啲反支共而唔反支那嘅戇鳩觀點，擺明就係受到啲撈民運嘅蠱惑所致，呢樣嘢喺十年八年前仲未有好多人睇得清楚，不過呢幾年就好啲喇，喺廣州撐粵語同香港佔中兩單大嘢當中啲撈民運嘅企位同表態，令好多粵人同港人都開咗竅，唔再迷信所謂嘅支那民主進程。
凡係鐵決粵獨嘅都係心水好清嘅人，嗰啲支那華夏嘅羅網迷思根本就迷魂唔到佢哋，所以佢哋既反支共更反支那，既反撈頭更反華夏，既撐粵語更撐粵獨。譬如話，喺好早之前，我哋一眾資深粵獨人經已有一個噉嘅共識，就係粵獨要對支那嘅民主化進程完全唔作介入，兼且放棄所有北伐嘅念頭，以專心一意謀劃我哋大粵嘅脫支獨立。
撈頭自己想民主嘅，噉就等班撈民運自己喐身搞，唔好再拖埋我哋粵人落水嚟做佢哋打江山嘅炮灰，試過孫大炮支那民國鑊嘢真係鬼都怕。我哋粵人為咗創建支那民國幾乎貢獻咗冚族之力，但係到頭嚟卻畀班撈以支那通用語言支那統一國家同支那民族包容嘅名義殖民返轉頭，諗起身真係超級戇鳩！
粵獨當然係反支共嘅，若然唔係我哋大粵又點得獨立？之不過噉，反支共同完全顛覆嗮成個支共政權噉係完全唔一樣嘅兩碼事，令支共撤出佢喺大粵嘅殖民統治並同支共政權共存同時竭力抗衡佢，噉無疑亦係一種反支共嚟。徹底ngung冧支共政權，好等班撈實現佢哋心目中嘅所謂支那民主化，啲撈民運依家一心就係想噉，不過我哋粵獨又唔係大支那嘅膠撚，我哋完全冇必要噉做吖。我哋要搞清楚，同成個支共政權鬥長命，同同支共喺大粵嘅殖民統治鬥長命之間嘅區別，並從中揀選出對我哋最有利嘅選項。
講真，依家支共嘅江山係四平八穩，佢手度揸實冚支那三十幾個省區嘅龐大資源，注定佢冇咁易玩殘，想輕易就踢冧嗮冚個支共？講咩。對一眾脫支勢力嚟講，與其踢冧，不如挶佢對自己鬆手仲實際啲喇。大粵香港閩越臺灣西粵雲貴涼山呢啲地方，同圖博東突厥斯坦南蒙古一樣，對班撈嚟講，都祇係化外之地，而非核心領土，加之支共素嚟就有出賣支那非核心領土嘅優良傳統，祇要逼得佢冚，支共一樣會對呢啲化外之地鬆手，佢當年承認外蒙古獨立，同十幾年前正式承認畀沙俄割佔嘅外興安嶺以南嘅成個外滿洲都係俄國領土，噉經已係絕好嘅例証。
班撈係咪繼續畀支共愚民統治同我哋粵人一啲關係都冇，況且，由一個愚民賣國兼且內部腐敗對外無能嘅支共政權統治支那，對我哋粵獨同大粵而言，唔見得係一件壞事。試諗下，班鬼佬最驚嘅係咩？班鬼佬最驚嘅並唔係愚昧自大嘅支共，而係一個開明而民主嘅支那。因為開明同民主會強力策勵科技同創新嘅發展，並且會快速噉刺激到支那國力潛能嘅迸發，進而好快就會令支那對美國構成畀依家嚴重得多嘅挑戰，呢個係D記好多年前就有嘅一個觀點，我一直都覺得呢個推斷係有道理嘅。
都係嗰句，我哋粵獨絕唔應該涉足入撈頭嘅內鬥當中，等佢班豬撈喺度鬼打鬼以削弱支那，我哋好喺一邊乘勢獨立就係。班撈係咪民主化講真關我哋粵人叱事咩，妳慌佢哋班嘢實現所謂嘅民選政治之後會咁好死畀一眾脫支勢力舒舒服服噉獨立建國吖？發夢都冇咁早喇！睇睇俄羅斯嘅普京共產復辟同緬甸嘅昂山素姬光環幻滅喇！咩為之民選出嚟嘅國家種族主義？呢啲就係喇！
粵獨嘅宗旨，就係要令全體粵人掙脫所謂嘅華人嘅枷鎖，就係要令我哋大粵喺支那裡頭切割並脫離出去，獨立建國，而班撈民運則係想支那版圖越大越好，所以，我哋粵獨同班撈民運同法輪功喺利益上係根本對立。依家無論撈共抑或係外邊嗰班撈民運，佢哋對支那嘅核心領土究竟有幾大其實都係雞食放光蟲心知肚明，佢哋都好清楚支宋同蒙元以及支明同滿清之間版圖嘅巨大分野，支那依家嘅國境其實有超過一半都係班撈喺承襲滿清遺產嗰陣名不正言不順噉呃返嚟嘅，但係要佢哋實質表明立場具體圈定以至要佢哋接受呢個較現時支共政權實控範圍大幅縮水嘅支那本部基礎疆域，噉睇怕就冇乜可能喇。
我哋不妨再芨下昂山素姬喺得到緬甸政權之後嘅所作所為，佢呢個所謂緬民運，施行嘅完全就係百分百嘅大緬甸主義，兼且仲包庇配合緬軍加緊對境內少數民族叛軍嘅清剿，唔通妳會認為啲隻隻都係大支那撚嘅撈民運，比攞過諾貝爾和平獎嘅昂山素姬會係更好相與更易話為同更唔鴨霸嘅貨色？
--------------------------------
https://www.tapatalk.com/groups/namyuekok/12-t7342.html
https://www.tapatalk.com/groups/cantonia/12-t3177.html
