393 以粵獨視角睇“泰人” 世居大粵西部嘅六支泰語民族

393 以粵獨視角睇“泰人” 世居大粵西部嘅六支泰語民族



經常發現有人喺網度大嗌，話咩壯語同泰語可以互相通話之類，查實簡直喺度亂噏！壯語、儂語同泰語屬於唔同語群，係根本冇辦法相互通話嘅。

依家壯話分成南壯同北壯，北壯又同布依係一系，北壯同貴州嘅布依其實係同一民族，北壯語同貴州嘅布依語其實就係壯語，佢哋相互間可以通話。南壯同北壯截然唔同，南壯係儂族，儂族同壯族有親緣關係，但絕對唔係同一個民族，儂語同壯語係根本冇辦法相互通話嘅。喺粵獨睇嚟，北壯同貴州嘅布依係同一民族，亦即壯族，南壯則係儂族，壯族同儂族同為大粵九大世居原住民族。

儂族、壯族同泰國曼谷周邊嘅暹泰族喺語言上同屬侗臺語系臺語族（亦稱壯泰語族），但係支脈唔同，壯語同貴州嘅布依語屬臺語族北部語群，儂語屬臺語族中部語群，暹泰語以及泰國寮國緬甸撣邦嘅各式泰語族群則屬臺語族西南語群。

即使同屬同一語群嘅語言，都未必相通，譬如南泰嘅暹泰語就同泰東北-寮國嘅寮語以及北泰嘅泰阮語有好多歧異，而南泰嘅暹泰語同泰東北-寮國嘅寮語跟更北部緬甸撣邦嘅撣語以及雲南西雙版納嘅泰泐語經已係雞同鴨講咁滯。

“泰人”嘅概念唔同泰國，“泰人”係一個好繁雜嘅民族系統嚟，就好似支那所謂嘅“彝族”噉，根本就唔係一個單一民族，而祇係一個相互間有親緣關係嘅民族群。“泰人”嘅所謂唔同支系，查實統統都係喺語言同文化上相互間保持清晰距離嘅各自獨立嘅民族。

現時普遍認為大粵版圖僅指兩廣海南，噉係明顯遺漏，因為漏咗粵獨一直聲稱擁有嘅雲南文山同紅河兩個自治州，喺呢兩個自治州裡頭，世居住大量嘅儂族、壯族以及六支泰語民族。

喺現時支那，多個語言、文化、歷史都唔相同嘅泰語民族被夾生並成一個事實上以傣泐系為主導嘅“傣族”，喺呢個所謂嘅“傣族”體系裡頭，支那境內嘅其餘八個泰語族群受到唔同程度嘅邊緣化，支那呢一厚此薄彼完全罔顧民族認定客觀準則嘅“一統”手法，祗會畀各泰語族群之間帶嚟隔膜同拗撬，粵獨唔認可呢啲噉嘅嗱喳手段，粵獨承認各個有著自己獨特個性嘅泰語族群係各自獨立嘅民族。

—————————-

1：布岱族（即土佬人，又稱岱依族、布傣人）：約15萬。講布岱語（又稱土佬話，亦即支那所謂“南壯”語裡頭嘅文馬方言）。集中分佈喺文山麻栗坡馬關一帶（約13萬），其次係龍州高平（約2萬），其餘彌散遍及開遠興義。布岱語屬侗臺語系臺語族中部語支。布岱人現時被支那視為係壯族嘅一支，但係事實上佢哋喺語言同族群認同方面都同壯儂有顯著分野，布岱人據證係大粵西部盤龍江流域最早期嘅原住民，而周邊其他民族對佢哋“土佬”嘅稱呼更使到呢個立論得以鞏固。布岱人生活喺呢一帶至少有兩千年以上，布岱人同鄰近嘅傣羅迷人（又稱傣擔人，即黑傣人）、傣皓人（又稱傣瑞人，即白傣人）、傣亮人（即紅傣人）、傣雅人（即花腰傣，主要聚居喺新平元江以至西雙版納，大粵境內冇分佈）喺歷史上有著密切關聯，二千年前燦爛嘅古百越系滇王國文明嘅創造者，就係佢哋嘅先民。滇王國後嚟受漢倮（倮即彝，中世紀前期叫爨、中世紀中期分化成烏蠻同白蠻）兩族夾擊覆滅，部眾四散，其中傣雅人留守喺離古滇國冇幾遠嘅紅河中遊河谷，白傣、黑傣、紅傣遷居到越北同越西北，布岱人就走難到東南方向嘅文山一帶，而逃亡嘅主力顯然向著西南方向進發，佢哋就係今日泰寮撣嘅先祖，隨著一系列侗臺語民族嘅遷出，古百越系勢力從此退出滇池區域。布岱、傣擔、傣皓、傣亮、傣雅可以話係原始臺語族群嘅嫡傳後裔，原始臺語族群就係發源喺佢哋今日嘅世居地之上，佢哋界於東邊傾向支那化嘅壯儂同西邊傾向印度化嘅泰寮撣之間，保持著更多嘅古百越特色遺俗同文化。

2：傣格人（即紅河傣）：約5萬。講傣格語。集中分佈喺紅河元陽河口金平嘅紅河沿岸一帶，其餘散佈喺麻栗坡。傣格語屬侗臺語系臺語族西南語支。傣格人係大粵境內人口最多嘅泰語族群，傣格人有傣拉、傣仲、傣沙、傣友等支系。據稱，“傣格”係混種傣人噉解，而事實上，呢支傣人係傣化咗嘅西部儂人，佢哋係800幾年前西逃儂智高義軍嘅遺裔，隔離文山嘅儂人嗌佢哋做“布格”。傣格人係以水為生嘅民族，佢哋世代喺紅河打漁，並壟斷著紅河兩岸嘅水運擺渡，堪稱“紅河蜑家”。傣格人喺服飾、宗教、習俗上都同其他傣人有顯著區別，佢哋唔著其他傣人好興嘅桶裙同窄袖衫，佢哋嘅服飾反而同文山嘅儂人極為相似，佢哋喺文化上基本未曾印度化，佢哋唔信奉喺傣人裡頭普遍流傳嘅上座部佛教，佢哋甚至唔過傣人傳統嘅潑水節。

3：傣泐人（即西雙版納傣）：約2萬。講傣泐語。集中分佈喺江城金平綠春。傣泐語屬侗臺語系臺語族西南語支。傣泐人有自己嘅本民族文字：基於婆羅米字母系統嘅傣泐文。傣泐人嘅族群主體分佈喺泰北（50萬以上）、西雙版納（30萬以上）、撣邦（20萬以上），族群總人口超過110萬。

4：傣皓人（又稱傣瑞人，即白傣人）：約4萬。講傣皓語。集中分佈喺金平馬關麻栗坡江城。傣皓語屬侗臺語系臺語族西南語支。傣皓人有自己嘅本民族文字：基於婆羅米字母系統嘅傣皓文。大粵境內嘅傣皓人由越南遷入，佢哋嘅族群主體分佈喺越南西北嘅萊州省。

5：傣羅迷人（又稱傣擔人，即黑傣人）：約2萬。講傣擔語。集中分佈喺金平馬關文山河口。傣擔語屬侗臺語系臺語族西南語支。傣羅迷人有自己嘅本民族文字：基於婆羅米字母系統嘅傣擔文。大粵境內嘅傣羅迷人由越南遷入，傣羅迷人源於越南西北深山，佢哋嘅族群主體分佈喺越南西北黑水河流域一帶。

6：傣亮人（即紅傣人）：約0.2萬。講傣亮語。集中分佈喺河口馬關。傣亮語屬侗臺語系臺語族西南語支。大粵境內嘅傣亮人由越南遷入，佢哋嘅族群主體分佈喺越南北部山區。

—————————-

而喺大粵境外，“泰人”族群則更為龐雜，除咗為世人熟悉嘅分佈喺泰國中部嘅泰國主體民族暹泰族（Siamese Tai）之外，仲有寮國嘅主體民族寮族（Lao）、緬甸撣邦嘅主體民族撣族（Shan）、泰國北部嘅主體民族泰阮族（Tai Yuan）、泰國東北部嘅主體民族佬伊山族（Lao Isan）、雲南西雙版納嘅主體民族泰泐族（Tai Lue）；以及泰北嘅泰昆族（Tai Khun）、泰永族（Tai Yong）；泰中嘅泰考人（Thai Khom）、泰克朗人（Thai Klang）、泰諾人（Tai Noi）、泰崩人（Tai Bueng）、佬紐人（Lao Ngaew）、佬松人（Lao Song）、佬韋恩人（Lao Wieng）、佬克朗人（Lao Krang）；寮國及泰東北嘅科拉泰族（Khorat Tai）、泰友族（Tai Yor）、佬韋昂族（Lao Wiang）、泰諾族（Tai Loei）、泰丹族（Tai Dan）、普泰人（Phu Tai）。呢啲泰系民族喺語言上都同屬於侗臺語系臺語族西南語支，文化上亦同樣趨向印度化，宗教上亦信奉上座部南傳佛教，再加上佢哋嘅世居地緊鄰文化繁盛嘅泰國主體民族暹泰族，佢哋暹泰化似乎無可避免。