430 借殼當代越泰日韓美流行音樂 譜寫粵獨新歌 探索文藝粵獨新路
我呢度所講嘅借殼，講白啲就係搵啲曲調明快氣場激揚嘅越泰日韓美流行曲尤其係搵同我哋大粵傳統民樂風格相近嘅越南歌用純粵語口語新作粵獨歌詞從而將佢變成一首全新嘅歌。呢個同簡單嘅翻唱唔同，因為新作嘅粵獨歌詞絕唔會同原歌歌詞嘅粵文譯意有任何關聯，呢樣嘢基本上屬二次創作嘅範疇。冚嘭唥都係漢語歌詞+英語歌詞唯獨就冇粵語歌詞依家HK佔中好hit嘅即興之作《傘下奇蹟》，算係二次創作當中相當成功嘅範例，不過講真，我好反感啲HK仔點解唔用純粵語口語而偏偏要用殖民緊香港嘅支那豬撈啲漢語嚟去創作？漢詞粵唱呢一HK粵語歌一貫以嚟嘅通病直到今時今日啲HK佬仍然冇諗過要作出改變，呢個正正係我極之唔推薦搵HK粵語歌做藍本嚟二次創作粵獨歌曲嘅原因。
點解要搵越南歌？而唔搵香港臺灣星加坡韓國日本美國泰國嗰啲呢？臺灣星加坡嗰啲漢語歌同支那嘅漢語歌可以有咩唔同？搵呢啲撈頭歌嚟二次創作粵獨歌？有病咩？！臺灣除開啲產量稀少嘅臺語歌之外，其他嗰啲都係臺灣撈出嘅漢語垃圾。香港嗰啲？妳估仲係廿年前咩？依家香港嗰啲死咗半gyut嘅流行歌就算罷喇，唱到冇氣冇候之餘仲唔知佢唱緊啲乜，都2014喇都仲要搵返1990年代Beyond啲經典嚟撐場，最攞命嘅仲要係條條歌都係漢詞粵唱，HK啲粵語歌除咗許冠傑嗰啲之外冚嘭唥都清一式係全支那漢語式歌詞，即使係Beyond啲歌都唔例外，呢個其實一直都係HK粵語歌一個極大嘅缺陷，有激進粵獨人甚至唔承認呢啲係真正嘅粵語歌，許冠傑嗰啲真真正正用純粵語口語歌詞唱出嚟嗰啲至算係真正完全嘅粵語歌。喺八九十年代HK流行樂壇黃金時期，粵語樂壇人才輩出，幾乎條條歌都唱得下聽得下，用粵語唱漢語式歌詞或者仲唔容易畀人gigat，但係喺依家HK同大粵後生反支那情意咁強烈嘅背景下低，呢樣嘢就好易畀人抄出嚟鋤，尤其係依家嗰啲HK歌仲難聽到死。本嚟日本歌韓國歌唔少都好好聽嘅，可惜佢哋依家啲歌現代感或者講係美歐化得太過利害，東方感驟失。至於美國啲英文歌，乒乒嘭嘭，完全唔啱粵人傳統嘅鍾意聽抒情歌嘅審美feel。至於越南歌同泰文歌，佢哋同港臺日韓英文歌相比，都係啲“國仔”歌，小眾歌，本嚟喺大粵呢邊聽嘅人就唔多，我哋從中揀啲曲調明快氣場激揚嘅原曲改寫粵獨歌詞再推出街，一定畀人一種出人意表明亮清新嘅全新感覺。
點解我哋唔原創？而要食人口水尾？鬼唔知亞媽係女人咩，有頭髮邊個想做癩痢？粵獨人要做嘅嘢主要係粵獨理念嘅傳揚同諗住點樣去作反，我哋冇可能范范都曉搞，點樣寫曲點樣製片呢啲要音樂細胞原創嘅嘢係專業音樂人嘅job，沿用原曲我哋重新作詞跟手將隻新歌唱出嚟然後擺上網對外宣傳以達至我哋想要嘅傳揚粵獨嘅目的，噉嘅做法顯而易見會唔使晒好多時間同精力就可以快捷多產噉整啲粵獨歌出嚟，何樂而不為？
自從陳濟棠1936年反蔣起事失敗大粵徹底喪失半自治權畀撈重新殖民以嚟，近80年間大粵本土就一直未曾存在過真正意義上嘅粵語流行音樂（粵劇嗰啲老古董就咪計喇），1949年之前就淨識跟啲上海撈口水尾“夜上海夜上海”，1949年之後直到1980年代仲衰，直頭空白一片乜都冇，喺1990年代算叫有啲多起色，不過曾經昙花一現嘅“廣東流行樂壇”並冇留低幾條靚歌就瞬間即逝，力水更弱嘅廣西甚至連“廣西流行樂壇”都冇蒲頭過。2000年打後隨著香港流行樂壇嘅徹底沉淪同支那豬撈日甚一日嘅煲冬瓜文化殖民，兩廣粵語流行音樂可以話徹底全軍覆滅，再冇任何全新嘅原創作品出現，依家廣東電視臺啲咩咪皇爭霸亦祇係喺度吊緊鹽水，全靠翻唱返八九十年代HK流行樂壇黃金時期啲陳年老餅歌苟延殘喘。至於依家嘅香港粵語流行樂壇本身，連同香港電影，係日薄西山泥菩薩過河自身難保，流行音樂/電影/電視劇，係一個民族/民族主權國家/民族政治實體現代文化事業繁榮與否嘅三項標誌性指標，而依家香港經已死咗兩件，大粵仲衰，呢三樣嘢甚至連出世嘅機會都冇。
雖然我哋對粵語當代文化嘅現況處境好唔甘心，但係我哋必須要承認喺呢方面我哋而加經已落後，而且仲唔係淨祇落後畀日韓臺咁簡單，我哋依家嘅狀況甚至經已畀越南同泰國呢啲新晉嘅東南亞國家逐漸撇乜，係飛甩幾條街嗰隻。我哋粵人尤其係廣東粵人一向都好睇低越南泰國呢啲南洋國家，雖然依家兩廣嘅經濟仲叫做食得著佢哋，但係喺現代民族文化呢一塊，我哋經已徹底輸晒畀人家，要流行歌冇流行歌要電影冇電影要電視劇冇電視劇甚至連最基本嘅母語教育都冇辦法確保，呢個係全面嘅潰敗！真係唔明白點解直到依家仲有咁多粵人面對人哋越南泰國嗰陣仲可以咁傻更更噉自鳴得意？人哋越南泰國係主權民族國家吖！我哋大粵依家係咩吖？係支那嘅殖民地咋！
依家喺網路度我哋可以睇到唔少關於粵語喺全世界範圍內勢力衰退嘅評論，喺越南等國嘅粵僑圈我哋同樣亦都可以睇到相似嘅感嘆，不過粵語喺海外嘅勢力衰退同粵語喺大粵本土嘅勢力衰退顯然係兩樣性質截然唔同嘅嘢嚟，前者係海外粵人為咗更好噉融入定居國嘅主流社會而自願噉放棄，而後者係粵人喺自己民族世居嘅故土上高明顯受到支那殖民壓迫反抗未起成效所致。其實喺現代呢個資訊交往咁頻密發達嘅社會裡頭，祇要冇一個主權國家去力撐去力保，任何一種語言都會不可避免噉被邊緣化，無論妳之前曾經幾咁強勢或者妳有幾多幾多人用緊都好，都走唔甩雞逐漸衰敗逐漸沒落嘅厄運，呢個係必定嘅趨勢嚟。粵語以前仲話可以傍著HK呢粒曾經嘅東方明珠，但係依家睇樣都唔靠得好耐，隨著支那殖港步步進逼，粵語喺HK嘅官方地位亦唔再穩固。想要粵語及時轉危為安，除非可以發生兩樣嘢，一係香港脫支獨立，一係粵語嘅大本營大粵脫支獨立。
殘酷嘅政治現實話畀我哋知，假如妳有一個獨立國家獨立政權捍衛著妳嘅文化，噉即使呢個政權再極權再獨裁，佢都唔會對妳嘅語言妳嘅文化傳承有乜大衝擊，充其量亦祇係停步不前，譬如緬甸柬埔寨，甚至仲會有所弘揚，譬如依家嘅越南。但係若然妳係畀人殖民，噉妳就大鑊喇，殖民者可以利用所有國家統治工具輕易噉摧毀妳嘅文化，即使嗰個殖民者再民主呢種狀況亦都冇辦法徹底改觀得到，譬如臺灣撈對臺族嘅打壓同西班牙對加泰隆尼亞嘅打壓，假如殖民者係支那呢挺鴨霸蝗蟲政權，噉妳就實聽渣都冇。
文化保育嘅關鍵係妳要首先確保政治同軍事嘅獨立，講白啲就係個國家政權係咪妳揸fit嘅，個國家嘅統治民族係咪同妳係一路嘅。文化保育並唔在乎妳係咪專權或者妳係咪民選，呢啲嘢祇係獨立咗之後政制選擇嘅唔同，佢並唔係文化保育成敗與否嘅決定性因素，相反若果冇咗政治獨立，噉講乜都變得多餘，呢個至係要害。就攞越南嚟講，越南唔獨裁咩？佢當然獨裁，之但係人哋係開明專制喎。至起碼人哋嘅政府唔學似支那噉認為自己係咩狗屁天朝妄自尊大，人哋嘅政府好務實噉保持著同外界嘅交往，而唔會一日到黑鬧完呢個鬧嗰個怨畀人“圍堵”，人哋嘅政府並冇封乜封物，google/facebook/twitter冚嘭唥都係正常嘅，噉至少可以令自己嘅國民相對自由自主噉睇世界。
越南係一個粵人永遠都感興趣嘅國家，因為佢夠近，直接同大粵接壤。越南人喺源流上睇同粵人截然唔同，粵人源於侗臺系嘅古南越人，越南人卻祇係越化（或者講係侗臺化）咗嘅北高棉人，係2200年前嘅南越帝國令越南嘅古交趾人同大粵嘅古南越人首次生活喺同一個主權國家裡頭，大粵同越南超過1100年嘅早期共同歷史因而正式開啟，正正因為呢樣嘢，令呢兩者本嚟好大嘅歧異消彌唔少，彼此間嘅親近感驟然而生。喺越南正統史觀裡頭，建都廣州嘅南越帝國係佢哋嘅第一個皇朝（越南人稱呼南越帝國做前趙朝），呢個同南越帝國係粵人第一個主權民族國家嘅粵獨史觀完全一致。
當代越南國父胡志明識講流利粵語，為咗越南嘅脫法獨立事業，佢曾經喺1920年代多次嚟過廣州，1925年7月13號胡志明為支持省港大罷工而喺廣州東較場以粵語發表演講，同年佢更喺廣州創立咗越共嘅前身越南青年革命同志會。越南青年革命同志會舊址係一座坐落喺廣州文明路具有明顯廣州西關大屋風格嘅樘櫳式建築，呢座象徵著粵越間密切交往深具意義嘅歷史建築至今依然保全完好。胡志明深具漢文底蘊，但係佢同樣深知支那文化殖越嘅惡毒，所以喺佢統治北越嘅24年間佢好堅定噉強力推動越南文嘅徹底拉丁化，從而為日後越南去支那化嘅文化發展走向奠立咗決定性基石，雖然胡志明喺越南國內飽受越南右翼抨擊，但係齊係佢有遠見而勇敢噉令越南文書寫體系完成由漢字化向拉丁化轉換呢一點，就值得我哋粵獨永遠去激賞。
粵文拉丁化係粵獨嘅核心理念，令同大粵擁有超長嘅早期共同歷史有著支那文化殖民背景依家文字書寫系統又徹底拉丁化咗嘅越南好自然噉成為粵獨倡議學習嘅標版國家。拋開粵越間喺南海嘅島嶼爭端，越南歷次排粵事件，以及離我哋當世唔遠嘅支越戰爭，除開越南拉丁化文字嘅推廣，除開越南去支那化嘅踐行，除開啲政治性嘅話題，其實越南仲有唔少嘢值得我哋去細緻觀摩，譬如佢當代嘅流行音樂。
我一向都唔關心啲娛樂嘢嘅，對流行音樂亦冇特別嘅興趣，但係因為先嗰輪受想探究越南文化嘅好奇心驅使，無意中畀我撞咗入一個可以自由下載樂曲嘅越南語流行音樂嘅門戶網站，結果令我極度震驚，用9級大地震嚟形容都不為過，完全顛覆晒我以前嘅想像。乜越南唔係好專權落後嘅咩？點解佢嘅現代文化可以發展到咁繁花似錦勃勃生機？！喺呢個門戶網站度我可以搜索出幾百個越南語歌手，以每個歌手平均出100條歌計，呢度都成幾千條歌喇，最最關鍵嘅仲要係佢嘅生生不息，不斷有新星出道，殿堂級人馬亦不時發表新作，而且佢哋啲歌好多都鬼死咁好聽，越南歌手多數都係啲以音以聲以歌藝取勝嘅實力派，裝扮時尚之餘識得用氣用聲，啲歌絕少出現唱到冇氣冇候嘅，越南音樂人啲作曲功架亦好唔錯，所以曲調悠揚而激越嘅靚曲極多，依家越南流行音樂嘅整體格局畀我嘅初步印象同八九十年代嘅香港粵語流行樂壇有得揮，甚至更強。雖然我未見識過依家啲越南電影電視劇係點，但係從佢哋歌手出啲MV嘅水平睇，至少有依家港臺啲八九成水準。當然受專制威權所限，依家啲越南歌題材多數都係啲情情塔塔嘢居多，涉及理想信念嘅相信並冇幾多，呢個係佢哋局限嘅地方，越南若果可以繼續保持依家相對開明對內寬鬆嘅國策，令越南語現代文化嘅潛能可以喺一個自由開放嘅環境當中完全釋放，佢往後嘅光芒絕對會蓋過依家嘅港臺，呢點我絕唔懷疑。
點解人哋越南依家啲現代文化可以去到咁勁？飛甩妳大粵甚至香港幾條街？幾百個越南語歌手幾千條越南語流行歌，睇到都流晒口水，我哋大粵連人哋嘅1%都冇吖！畀越南呢啲窮鬼爬頭，真係好屄唔撚順超嘅，佢靠咩吖？不過一諗返人哋越南政府嘅開明專制同越南獨立主權國家嘅身份，我就一啲都唔覺得奇喇。N年前就有友仔同我嗲過句噉嘢，佢話：寧願要自己友嘅開明專制，都唔要外嚟殖民者施捨嘅受閹割嘅假民主。對噉嘅諗法，我N年前就有自己嘅睇法，我話畀佢聽：我要民主，但係我首先要獨立，我想揀晒呢兩樣嘢，但係若然處境唔允許我噉揀，我會毫不猶豫噉揀獨立，因為唔獨立就會冇晒一切，包括民主/文化/語言！N年之後嘅依家，我更加堅定我當年嘅呢個諗法。
——————————–
附：
越南流行歌曲網路下載（低碼率可以直接下載，高碼率要用Google/Yahoo帳號登入至可以下載）
http://chiasenhac.com/mp3/vietnam/
沒有留言:
張貼留言