442 危亡在即：HK本土派若然唔可以喺一兩個禮拜內攻佔至少一個港支政權重要機關以提振人氣 遮打革命隨時玩完

442 危亡在即：HK本土派若然唔可以喺一兩個禮拜內攻佔至少一個港支政權重要機關以提振人氣 遮打革命隨時玩完



http://namyuekok.freeforums.org/hk-t6304.html

http://cantonia.freeforums.org/hk-t2128.html

冇話我睇死佢，香港唔會有乜機會，到家下啲HK仔連港獨都唔敢嗌出口，冇Q用。依家啲HK仔淨識好似盲頭烏蠅噉亂撞，完全冇一個清晰嘅港獨目標喺樹，而且仲係越撞越沉。其實喺個幾月前道勢旺嗰陣啲HK本土派就應該成立一個香港共和國臨時政府，打正旗號港獨至係，依家乜嘢好時機都走晒，旺角仲要畀人清埋場，金鍾睇樣都維持唔得好耐，最弊仲係連攻兩次立法會都失敗，嚴重打擊士氣。除非班HK本土派可以喺近期之內佔領到至少一個重要政府機關，諸如香港警察總部、支那駐港殖民軍總部、中聯辦，若然唔係好難提振人氣，遮打革命就會好快玩完。有時啲嘢唔係政府總部同立法會至有代表意義嘅，臺灣單嘢HK對呢兩噠地方早就有防備，噉妳去衝又點可以做到出其不意呢？呢啲嘢就好似打仗噉要講謀略，唔好死諗埋一邊，要識靈活變通至得嘅。

粵獨還粵獨，港獨還港獨，依家HK咁撚差嘅形勢，HK仔又咁撚廢，粵獨同港獨邊個上岸先仲係未知之數。係妳班友至成日睇香港點點點，反正我就對HK啲嘢越嚟越冇興趣，因為佢哋有咁好條件同形勢而做唔到嘢出嚟，噉本嚟就好廢，甚至仲廢過啲藏人同新疆佬，成日睇埋HK啲廢柴嘢冇用嘅，若果佢嗰套掂嘅話晨早獨立咗喇。HK噉嘅樣唔通仲可以叫形勢好？明明可以去到好盡都得，結果依家乜都得個吉，要獨立冇獨立要普選冇普選要政改冇政改，遲下遲早變到同廣東呢度冇兩樣。

好多HK仔睇見人哋烏克蘭咁勇又想學人烏克蘭，不過HK仔首先說服妳哋自己放棄妳哋先前好標榜嘅嗰啲咩“理性非暴力”先喇，武裝港獨係一定要見血同超暴力嘅。又想理性又想革命？NO！妳哋一定要是但揀一樣，呢個世界點會有咁完美嘅嘢？放幾粒催淚彈就嗌生晒，都未有耐死人，噉點叫見血吖？唔死一百幾十件，HK仔點知醒？唔死一百幾十件，武裝港獨又點起頭？唔死一百幾十件，美軍又點會輕易軍事介入？唔死一百幾十件，冇武裝港獨冇美軍介入HK又點可能獨立建國？假如齊靠遊街就獨立到嘅，噉2003年沙士50萬HK佬出嚟行HK嗰陣就獨立咗，使等到依家仲要擔遮擋催淚彈？

嗰啲咩群眾活動絕對冇任何成功嘅可能，因為呢啲祇係一盤散沙，起嗰陣就係威係勢，不過兩下就會過氣。起事呢家嘢一定要有一個有政治凝聚力嘅強力政團+以及直屬於佢嘅軍事武裝力量，喺妳未立國之前妳一定要有一個穩固嘅政黨同忠誠嘅軍隊至得。我從嚟都唔信嗰啲咩公民乜乜公民物物可以令大粵最終脫支獨立建國，嗰啲鬼嘢冚嘭唥都係啲政治時髦嘢同政治海鮮嚟，統統都係烏合之眾冇核心冇堅持冇行動綱領兼夾牆頭草兩邊擺完全廢嘅，一個社運若然係冇政黨運作喺後邊撐實嘅，妳根本就冇可能爭到啲咩實質嘅政治成果出嚟。睇返近代世界政治，但凡最終可以成功立國嘅，無非都係行兩條路，一係靠政黨搞社運，一係靠軍事打內戰。HK依家成日講人烏克蘭，人哋烏克蘭ngung菻親俄賣國政權嗰陣妳估齊靠班後生衝吖？人哋後邊有著幾強橫嘅政黨力量妳哋又睇唔睇得到？HK嘅佔中/遮打革命除咗肥佬黎同教會以及兩三個左翼泛民細黨喺後邊勉為其難撐著，其他嘅泛民政團好似完全唔關佢事噉，噉嘅款妳HK仲想學人烏克蘭？

有時啲嘢咪話黨指揮槍點點點，睇深一層呢個指揮體系的確有佢存在嘅理由喺度，武裝粵獨嘅話一定會涉及到粵軍嘅統領問題，喺大粵未獨立建國之前，妳冇可能講咩軍隊國家化嘅嘢，粵軍一定要絕對絕對絕對服從粵獨政黨嘅政治指揮嘅，若然唔係軍心就會散，噉仲講乜撚武裝粵獨吖？講量化數據嗰啲叫模型嚟喇，過份理性化學術化咗，根本同戰略係兩碼事。戰略策劃除咗講戰術講裝備，仲好講求士氣軍心思想意志呢啲感性嘅嘢嘅，任何一種數學模型都好難具體測定呢啲嘢嘅能量，若然唔係呢個世界都唔會又咁多以弱勝強嘅戰例，呢個亦都從另一個角度反映出對軍隊嘅政治控制係幾咁緊要，但凡政治威猛進取嘅軍心必定強健自信，呢樣嘢可以好大程度上彌補到粵軍裝備上嘅不足。