412 《大粵主權獨立宣言》起草倡議

412 《大粵主權獨立宣言》起草倡議



我哋依家的確係欠缺一個綱領性嘅文件嚟向全世界宣示我哋嘅粵獨理念！以及指導我哋往後嘅行動方向。我諗現時講立憲係“奢侈”嘅，畢竟大粵仲遠未真正脫支獨立，大粵獨立憲章或者大粵國家主權宣言至係現實嘅選擇，他朝一日大粵真正政治獨立，就以呢一憲章或者主權宣言為藍本起草我哋嘅真正憲法。參照大粵獨立憲章同大粵國家主權宣言兩個名，《大粵主權獨立宣言》無疑係均衡嘅選擇，既突顯獨立，又突顯主權。

《大粵主權獨立宣言》係莊重嘅正式文本，一定要以粵語白話文嚟行文，某啲詞彙嘅選擇要規範化，諸如撈頭、共慘一類嘅詞就唔好用喇，要用支那通代中國、用漢人通代撈頭。

《大粵主權獨立宣言》應該以一種勵志、激昂嘅語調嚟去寫，要言之有物，要帶啲文雅浪漫嘅氣息，要以寫西式自由詩嘅文體去寫，毋須強調上下工整對應，更大忌使用幾字標語式嘅串接堆砌，噉會畀人感覺係好共黨政工式空洞無物嘅齋叫。

《美國獨立宣言》喺我哋起草《大粵主權獨立宣言》嘅楷模，不過，我唔認為應該簡單噉表面形式嘅模仿佢。我哋應該對影響《美國獨立宣言》緣起有直接關聯嘅歐洲啟蒙運動時期嘅哲理思想，尤其係孟德斯鳩、盧梭、伏爾泰、康德、洛克呢五位哲人嘅理念作一個深刻嘅回顧。

《美國獨立宣言》係美國革命嘅象徵，呢次革命，係歐洲啟蒙運動所結落嘅第一粒成功嘅果實，美國革命嘅成功，使啟蒙運動唔再停留喺思潮階段，而變成確確實實嘅政治。

美國，將歐陸嘅啟蒙思潮發揚光大，或者講，美國係歐陸啟蒙思潮嘅第一個實際踐行品，佢“置事物之常理於世人眼前”，並喺全世界始創出立法、行政、司法三權分立嘅政治架構。

時移世遷，我哋而家起草《大粵主權獨立宣言》所處嘅時代，同美國當年經已好唔同，我所講嘅仿效，唔係要我哋嘅思維去返《美國獨立宣言》緣起嘅歐洲嗰個啟蒙時代，而係要借鏡當年嘅美國，正如傑佛遜嘅理念，獨立嘅目的為『非為尋找前此未有之新原則，或新論述……而是置事物之常理於世人眼前，以簡潔之語句搏取贊同，並使之以我等受迫之立場自我判斷。』

美國獨立前夜，佢哋嘅“事物之常理”喺歐洲，係歐陸嘅啟蒙思潮，而當世嘅我哋，亦毋須自創新原則，或者新論述，我哋祗要援引當世嘅普世價值同公義就得喇。

而家放眼世界，當世嘅普世價值同公義又喺邊？有邊啲嘢最能夠權威噉體現到人類普世公認嘅價值同道德呢？我諗，非聯合國所竭力傳揚嘅各款人權宣言同公約莫屬！因為，喺呢啲宣言同公約裡頭，體現著全人類所共同普遍公認嘅正義道德心聲。

《大粵主權獨立宣言》所要援引嘅，就係呢一啲宣言同公約，我哋要置呢啲宣言同公約嘅精神喺粵人眼前，我哋要喺呢啲宣言同公約裡頭，搵出潛藏著嘅，我哋法理粵獨最崇高最服人同最致勝嘅武器！

而搵“共產黨在中國專政已沒有被結束”嚟做粵獨理據係原則性錯誤，亦太短淺。支那係有可能民主化嘅，假如噉，我哋咪冇晒獨立理據？？？應該一針見血噉指出，我哋大粵同支那係殖民同被殖民嘅關係，反支殖粵至係我哋粵獨嘅因由。

對近代源起於我粵嘅支那層面嘅歷次變革事件，包括洪楊嘅太平天國、康梁嘅百日維新、孫汪嘅支那民國，我哋一定要有一個好清晰嘅界定，就係：呢啲事件嘅本身同埋佢所引致後果嘅性質，都冇脫離出支那嘅架構範疇之內！假如我哋對呢啲嘢一味作支那一統史觀式嘅回顧，噉祇會對我哋粵獨理念嘅宣揚構成致命打擊！

對近代源起於我粵嘅呢三次變革，係絕對唔可以以支那史觀嚟回顧，我哋要以有利於粵獨嘅視角嚟回顧。喺回顧之餘，更加要識得從支那嘅迷思裡頭剝離，要分割，要跨越支那嘅迷障，要點出，呢三次變革，對促進我哋大粵本土嘅粵民族覺醒、粵民族自決同粵地民主化係冇任何助益嘅，而且喺成個支那嘅層面嚟講，呢三次變革，到最後都係失敗變質衰收尾嘅，不突祇一啲都唔可以為我哋粵人帶嚟利益或者顯赫地位，反而仲為粵人徒添災難。

另外，喺批判洪楊、康梁、孫汪罔顧大粵本土權益傾支式變革嘅同時，要明確言明陳炯明、陳濟棠（二陳）喺近代對我大粵本土權益爭取、大粵本土經濟建設所作出嘅貢獻。