314 大粵民國授勳制度議案

314 大粵民國授勳制度議案

而家世界各國都有授勳機制，用嚟凝聚國家認同，鼓舞國民士氣。大粵民國亦應該創立相應制度，以培育催谷大粵國民對自己祖國嘅忠誠同自豪。

木棉同銅鼓都係大粵嘅標誌性器物，大粵民國所頒授嘅勳章都會以呢兩樣嘢為主題圖案。

大粵民國所頒授勳章，分衛粵、興粵兩系，木棉銅鼓、銅鼓、木棉三款，金章、勳章、獎章、獎狀四級。

衛粵系勳章係用嚟授予對大粵獨立、國防安全、疆土拓殖、社會安定有功勳嘅粵軍同大粵政府紀律部隊現役、預備役、退役軍人同隊員，興粵系勳章係用嚟授予對大粵國力提振、科技進步、公益救助、公義伸張、文化及語言保育有功勳嘅大粵國民同大粵政府文職公務員。

1：衛粵木棉銅鼓金章

衛粵木棉銅鼓金章係大粵政府頒授嘅大粵民國最高軍事榮銜。衛粵木棉銅鼓金章祇授予畀「喺與敵對武裝力量嘅戰鬥中冒生命危險並且超越本身職責範疇，展現出極為顯著嘅超凡英勇行為」嘅軍人同大粵政府紀律部隊成員。衛粵木棉銅鼓金章由兼任三軍總長嘅大粵總統代表全粵人民向受勳人親自頒發。衛粵木棉銅鼓金章喺大粵嘅榮銜相當於榮譽勳章喺美國嘅榮銜。

2：興粵木棉銅鼓金章

興粵木棉銅鼓金章係大粵民國最高嘅平民榮譽。興粵木棉銅鼓金章祇授予畀對大粵國力提振、科技進步、公益救助、公義伸張、文化及語言保育有極為顯著嘅超凡功勳嘅大粵國民同大粵政府文職公務員。興粵木棉銅鼓金章由大粵總統代表全粵人民向受勳人親自頒發。興粵木棉銅鼓金章喺大粵嘅榮銜相當於總統自由勳章同國會金質獎章喺美國嘅榮銜。

3：衛粵銅鼓金章

衛粵銅鼓金章係大粵政府頒授嘅大粵民國第二高等級軍事榮銜，僅次於衛粵木棉銅鼓金章。衛粵銅鼓金章祇授予畀「喺與敵對武裝力量嘅戰鬥中冒生命危險並且超越本身職責範疇，展現出超凡英勇行為」嘅軍人同大粵政府紀律部隊成員。衛粵銅鼓金章由兼任三軍總長嘅大粵總統代表全粵人民向受勳人親自頒發。衛粵銅鼓金章喺大粵嘅榮銜相當於十字勳章喺美國嘅榮銜。

4：興粵木棉金章

興粵木棉金章係大粵民國第二高等級嘅平民榮譽，僅次於興粵木棉銅鼓金章。興粵木棉金章祇授予畀對大粵國力提振、科技進步、公益救助、公義伸張、文化及語言保育有超凡功勳嘅大粵國民同大粵政府文職公務員。興粵木棉金章由大粵總統代表全粵人民向受勳人親自頒發。

5：衛粵銅鼓勳章

衛粵銅鼓勳章係大粵政府頒授嘅大粵民國第三高等級軍事榮銜。衛粵銅鼓勳章授予畀「同大粵敵人作戰時展現出英勇行為」嘅軍人同大粵政府紀律部隊成員。衛粵銅鼓勳章同衛粵銅鼓金章嘅區別在於，衛粵銅鼓勳章所要求嘅英勇行為等級較低，並且唔要求獲得者當時要喺一個責任重大嘅位置上高（諸如戰鬥指揮官）。衛粵銅鼓勳章喺大粵嘅榮銜相當於銀星勳章喺美國嘅榮銜。

6：興粵木棉勳章

興粵木棉勳章係大粵民國第三高等級嘅平民榮譽。興粵木棉勳章授予畀對大粵國力提振、科技進步、公益救助、公義伸張、文化及語言保育有傑出功勳但係又唔足以授予興粵木棉金章嘅大粵國民同大粵政府文職公務員。

7：衛粵銅鼓獎章

衛粵銅鼓獎章係大粵政府頒授嘅大粵民國第四高等級軍事榮銜。衛粵銅鼓獎章授予畀擁有「英勇同富有功績嘅成績或服務」但係又唔足以授予衛粵銅鼓勳章嘅軍人同大粵政府紀律部隊成員。衛粵銅鼓獎章喺大粵嘅榮銜相當於銅星勳章喺美國嘅榮銜。

8：興粵木棉獎章

興粵木棉獎章係大粵民國第四高等級嘅平民榮譽。興粵木棉獎章授予畀對大粵國力提振、科技進步、公益救助、公義伸張、文化及語言保育有卓著貢獻但係又唔足以授予興粵木棉勳章嘅大粵國民同大粵政府文職公務員。

9：衛粵銅鼓獎狀

衛粵銅鼓獎狀係大粵政府頒授嘅大粵民國第五高等級軍事榮銜。衛粵銅鼓獎狀授予畀「喺某次行動或某項工作中表現出色」但係又唔足以授予衛粵銅鼓獎章嘅軍人同大粵政府紀律部隊成員。

10：興粵木棉獎狀

興粵木棉獎狀係大粵民國第五高等級嘅平民榮譽。興粵木棉獎狀授予畀對大粵國力提振、科技進步、公益救助、公義伸張、文化及語言保育有長時間優異貢獻但係又唔足以授予興粵木棉獎章嘅大粵國民同大粵政府文職公務員。