349 孟高棉系同古東夷人嘅嗱能

349 孟高棉系同古東夷人嘅嗱能


呢個禮拜有一個「齊獨」網站搵上門，要求互鏈。諗下諗下，「齊獨」有撚諗頭咩，不而deoi班山東撈推「東夷獨」仲好過喇。

晨早就知道古東夷同古百越有關聯，啱好又畀我睇到使君生呢句：「上古華語發音最似今日的柬埔寨高棉語」，激發我重新研判古東夷嘅興致。

根據現代人類出非洲論，東亞大陸現代人類都係由南向北遷移嘅，古東夷人喺遷居齊魯黃淮之前，曾經喺揚子江流域下游同古越人長期混居，龍山-大汶口系嘅東夷文化係鳥人文化，海洋味十足，同仰韶-馬家窯系嘅西北羌漢黃土文化截然唔同。

黃淮嗰邊，係古東夷人嘅地頭，佢哋係拜鳥一族，紋身鑿齒，文化習俗同古越人（無論係東邊嘅南島系古越人抑或西邊嘅侗臺系古越人）好相似，東夷人後嚟仲建立商王朝，創造出極其輝煌嘅古殷商青銅文明，並因此開啟東亞大陸嘅信史時代。

所謂嘅“上古華語”，祇係西羌話，同古東夷語根本就九唔搭八，西羌話喺上古黃淮根本冇埞企。

至於孟高棉，越南人查實就係越化咗嘅孟高棉，孟高棉系喺兩廣嘅權重亦好高。有唔少古人類學嘅證據顯示，古東夷人屬於玻利尼西亞人種同東南亞孟高棉人種，古東夷語极有可能屬於古南島語或者古孟高棉語系統，睇過啲DNA地圖就知道孟高棉系有一支曾經經贛江北遷至揚子江下遊，假如古東夷人真係由呢一支北遷揚子江下遊嘅孟高棉人再北遷而嚟，或者由江南越人北遷而嚟，噉話古東夷語嘅發音最似今日嘅印尼語或者高棉語就唔難理解喇。