373 大粵國徽嘅另一個式樣：木棉銅鼓羽人徽

373 大粵國徽嘅另一個式樣：木棉銅鼓羽人徽


木棉銅鼓羽人徽-1

喺度先畀出個創意概念圖同啲素材，尋求後續嘅美工修繕美化！

素材嚟去兩度當：

http://namyuekok.freeforums.org/topic-t6070.html

http://cantonia.freeforums.org/topic-t1929.html

大粵國徽至起碼應該係銅鼓+木棉，齊木棉冇銅鼓顯現唔出我哋大粵嘅古南越根。齊銅鼓冇木棉粵人唔會受，木棉經已係大粵公認嘅象徵物。

頭戴鷺鳥羽冠身著鷺鳥羽衣嘅羽人裝束係古南越人祭祀求雨祈福競渡嗰陣嘅典型碌，喺銅鼓上高羽人形象極頻繁噉出現，羽人，係古南越人穿越3000年時光留畀我哋今日粵人嘅珍貴影像。兩邊用羽人嘅圖案扶實中間隻銅鼓，四圍加木棉花圖案，用啡綠藍或者啡黑藍三色背景，噉至顯現到大粵嘅本土色彩。

橫掛三色旗中關一定要用啡色，噉代表大粵嘅古南越根。啡色代表古南越人古銅色嘅膚色，而古南越人古銅色嘅膚色顯現出佢哋古矮黑+古侗臺+古南島+古孟高棉嘅悠久傳承。我哋粵人同古南越人一脈相承，係大粵嘅世居土著原住民，啡色係代表著我哋嘅本土性質。

———————-

啡綠藍三色旗

啡色，代表我哋係粵人，我大粵諸民族嘅直系先祖，係啡色膚色兼且帶有矮黑人種血統嘅古南越人，啡色意涵喻示我大粵諸民族嘅古南越源起。

綠色，代表自由、和平、生機。綠色，經已係自由嘅代表色，我粵覺醒，大粵獨立，係我大粵民國立國嘅核心理念；同睦鄰和平而有尊嚴噉共處，係我粵國民之所願；我粵地處東南亞北緣，北熱帶帶嚟嘅陽光同雨水，令我粵綠意泱然，生機勃發。

藍色，代表民主、海洋、睿智、永恆。粵內世居諸族嘅平等同民主，係我粵持久穩固嘅基石；我大粵族群同文明，有著顯明嘅海洋色調；我粵國民，理性而智慧；我粵國運，恆長而久遠。

大粵國旗，將依循現時世界上高上中下三色等分嘅國旗式樣。啡色居中，代表我哋粵人將永遠世居喺我粵國土，綠色喺上邊，代表我哋粵人人人享有自由嘅空間，藍色喺下低，代表我粵將建基喺民主嘅基石之上，正中間綻放嘅深紅色木棉花，色彩濃重，係我粵人所認同嘅代表標誌。

附：啡黑藍三色方案

啡黑藍三色係lilian嘅修改方案，至於點解用黑色替代綠色，佢冇交代原意，可能係以純美觀而唔係以理念寓意出發進行修改，現時大粵民國臨時政府主網站，以及大粵民國臨時政府Facebook主頁嘅國旗同國徽式樣沿用經lilian修改過嘅啡黑藍三色方案。

———————-

廿二光芒木棉銅鼓盾

大粵國徽，盾形，全稱「廿二光芒木棉銅鼓盾」，盾形國徽，寓意我粵堅固，作為我粵人所認同嘅代表標誌，深紅色嘅木棉花位居盾心，放射出廿二道光芒，分別代表我粵三市（廣州、南寧、深圳）十七省（粵海、肇羅、韶清、湛茂、海南、莞惠、潮汕、東梅、廉欽、梧賀、鬱江、左江、右江、都鳳、柳融、桂全、文廣）同兩個自由聯邦區域（香港、澳門，自由聯邦區域嘅提法類似於澳紐關係，澳洲憲法明文列明紐西蘭可以加入澳洲聯邦，不過紐西蘭實質獨立，加入港澳兩道光芒，更多嘅係彰顯港澳嘅粵文明本質，而唔係大粵對港澳嘅主權要求）。銅鼓，作為古南越人嘅兩支直系後裔：東粵俚人同西粵僚人嘅祭祀重器，係我粵遠古青銅文明嘅重要象徵。喺盾牌嘅藍色基底上高，有我粵嘅英文名稱：CANTONIA，下低係我粵嘅國家銘文：用拉丁粵文（採用penkyamp式標調）書寫嘅「Mùk min fäa höi gäai ngó Jyùt」，意譯就係：「木棉花開皆我粵」。成隻「廿二光芒木棉銅鼓盾」，可以噉樣理解：建基喺民主（藍色基底）上高嘅粵本土理念（啡色光芒）同自由精神（綠色光芒）將永照我粵。

———————-

最能夠代表大粵嘅幾樣嘢：木棉、銅鼓、羽人、帆船

http://namyuekok.freeforums.org/topic-t5360.html

我哋大粵民國（CANTONIA）嘅國旗同國徽（粵嚟粵掂方案）

http://namyuekok.freeforums.org/cantonia-t776.html