352 坡佬撐坡府嚴刑峻法對付外嚟嘅搞事支撈有感 民族性決定現實政治
李氏喺星洲獨裁早有所聞，隻客家佬乜唔好學，偏偏學支那啲所謂“華人文化”，引入撈式漢語同撈式簡體方塊字之餘，仲喺星洲國內竭力去粵化去潮化同去哎化。不過，佢都識碼實美國，令星洲可以喺印尼同大馬強權下低艱辛續存，兼且識得維護本國勞工利益，亦難怪啲坡佬唔撐呢個李氏獨裁政權。之但係“罷工”都屬非法，噉就真係誇張，呢家嘢同現世嘅普世價值嚴重背離，怪唔得知蓋洛普最近嘅關於全球各國幸福指數嘅排行星洲倒數第一！
HK啲工運屌坡府專權屌坡佬甘心畀坡府洗腦又真係傻得交關，咩冚世界無產者聯合起身，真係廢嘅，正如HK法律界公民黨啲友支持外勞有居港權一樣，話咩法律人人平等，都係超級浪漫理想主義，凈識一味讀死書，諗都冇諗過喺現實政治入邊呢啲嘢必定會有一個民族性嘅影響同族群利益喺樹。每個國家嘅法律永遠都衹會維護佢自己國民或者主流族群嘅利益，外勞外傭統統係外人，又點可能同本國公民咁高咁大？若然可以嘅話，噉世界晨早就大同喇，家時仲邊會有N多國家喺樹？
沒有留言:
張貼留言