335 覆頭文字粵：東亞馬克思算乜？係做都做洪秀全第三：大粵嘅卡斯特羅喇！

335 覆頭文字粵：東亞馬克思算乜？係做都做洪秀全第三：大粵嘅卡斯特羅喇！

粵港關係係點攤著喺度，根本毋須人離間，港獨賴以存在嘅基石—反大陸，事實上會誤傷大粵。粵港分野源自粵港分屬兩個唔同嘅架構體系，粵港冇可能統合，係冇政治遠見嘅傻仔至會認為粵港仲係一家。粵港祗屬親緣國家關係，粵港係國同國嘅關係，而唔係同屬同一個國家嘅關係。粵港關係係緊密但有競爭嘅國際關係（星馬亦係呢種關係），而唔係國內關係。

相反，離間廣州同大粵其他埞方嘅關係就非常嚴重，噉係撕裂緊大粵國家內部嘅精誠團結。廣州喺大粵嘅地位亦擺著喺度，根本毋須人刻意抬高。

人哋商業公司喺做大茶飯之前都要諗計度橋整份項目計劃或者標書喇，更何況係粵獨咁大諗頭嘅嘢？任何大計首先都係要隻腦行先，再釐定出個一個藍圖同綱領出嚟，之後再會有針對具體方案嘅行動部署，而唔係靠齋水。喺IM度水嚟水去根本冇辦法建構出一套完整嘅粵獨理念，亦唔可能策動得到有高政治追求嘅行動。咪嗱埋都話係支那撈頭“翻版”，呢啲祗係管理學上一啲常識嚟咋。

又搵講求實際嚟做擋箭牌？篤穿佢就係冇大志冇遠見，話粵人講求實際，推啲激嘢粵人唔受，實質不過係冇信心引領粵人覺醒同作反，至少係喺思維方面嘅作反。粵獨嘅先知、粵獨嘅引領者，又點可以咁唔堅持，咁冇信心嘅呢？

淩駕所有粵獨人？我有噉做過咩？我話我係粵獨嘅先知，但係我冇阻著其他粵獨人發表佢哋嘅高論喎，妳發表啲嘢，唔通就唔畀人哋反表反意見囉喎？我啲帖都成日畀人彈喇。D記、鐘記、lilian、Azuseulep呢幾位資深粵獨人嘅觀點我都明文發帖反對過，又唔見人哋話我“淩駕”。細佬，畀啲心機諗諗妳套嘢仲好過喇，重要嘅唔係識彈，而係要識唱。

東亞馬克思算乜？係做都做洪秀全第三：大粵嘅卡斯特羅喇！卡斯特羅敢死隊坐艇仔登陸並佔領古巴嘅事，家喻戶曉，連日本嘅遊戲製作公司都將佢整成遊戲，並風靡紅白機同街機時代。先唔好講卡斯特羅啲極左思維點點點，就齋講佢率領敢死隊坐艇仔登陸古巴本島，經過幾年嘅搏殺，捽之畀佢創建咗佢嘅理想之國呢點，就值得粵獨人去借鏡喇。睇睇人哋對佢哋自己嘅政治信念係幾咁堅持同堅定喇！堅持、堅定、信心、野心，係粵獨人必備嘅素養。