318 以原住民權利優先原則消解粵地城鄉矛盾 兼議喺粵獨狀態下粵族同大粵其他族裔尤其係同潮族嘅微妙關係

318 以原住民權利優先原則消解粵地城鄉矛盾 兼議喺粵獨狀態下粵族同大粵其他族裔尤其係同潮族嘅微妙關係

尋晚，去D記嘅BLOG訪問，最新鮮滾熱辣嘅新聞係廣州廣源新村嘅潮裔菜販畀城管驅趕打罵，啲城管甚至連“專打潮汕人”都噏埋出嚟。呢單嘢至少觸及咗兩個敏感嘅話題，一係粵地城鄉矛盾，二係喺粵獨狀態下微妙嘅粵潮關係。喺現時支那殖粵嘅大環境下低，呢兩樣嘢無疑都下降成為粵地嘅次級爭端，不過下降歸下降，佢哋依然頑強存在，並不時擦出火花。而呢啲大粵內部拗撬，顯然係撈頭好鐘意用嚟搞屎棍分化瓦解粵地粵人嘅原素材，所以對呢啲爭拗，粵獨唔應該回避，粵獨要攞得出一啲應對方案嚟接受相關嘅考驗同挑戰，有啲嘢即使目前冇辦法去化解，但粵獨至少要提出理論機制嚟盡力防止問題惡化，並為日後嘅最終解決爭取更多嘅周旋空間（講白啲就係搞唔掂就先拖著但係一定唔好畀佢爆煲）。

喺粵地城市裡頭，市民一直以嚟都對農民有優越感，“卜（bok）”、“卜佬”、“卜蕉”就係市民對農民嘅形容，二三十年前，呢啲詞彙喺粵地城市嘅流行程度甚至更甚於“撈”、“撈頭”、“撈鬆”，雖然近呢十leng年“卜”已經唔流行，不過噉並唔意味著粵地城鄉矛盾嘅消失，事實上，市民同農民嘅爭拗比以往更加激化。喺“卜”流行嘅年代，粵地城鄉矛盾多數體現喺“文化氛圍”上高，而依家，則直接體現喺就業崗位同社福資源分配等關乎食飯生存嘅爭奪上。

支那嘅“改革開放”，事實上一直長時間噉損害城市工人嘅利益，農民事實上係利得群體。城郊農民變地主靠租屋畀撈唔做就有得食，呢樣嘢就經已令市民好睇唔慣，所以而家撈頭話城中村改造，就出現祇見到城郊農民自己去獨力抗爭，而鮮見有市民去支持撐場嘅“唔團結”局面。不過，城郊農民數量畢竟有限，佢哋並冇對市民嘅生存造成好大挑戰，真正威脅市民飯碗嘅，係嚟自四鄉嘅民工。市民冇田冇地，一直靠打工搵啖飯食，所謂手停口停，而家突然間多咗咁多“鄉下蕉”擁入城嚟同佢哋爭飯碗，啲市民唔嬲就奇，而且，呢啲四鄉民工同南侵嘅撈頭民工基於“離鄉別井嘅共同感受”好多時仲有偈傾，噉就更令粵地市民猜忌。農民喺企有田有地有屋，又嚟城市同市民爭飯食，仲叫著要“公平”，試圖向城市公共福利埋手，市民當然極之反感，再加上而家話咩“戶籍改革”，為支撈更方便殖粵開路，四鄉民工事實上已經急著想搭呢班“順風車”，撈頭仲話到明，農民喺“入籍”城市嘅同時仲可以保留佢哋原先喺鄉下嘅田同地，面對咁唔公平嘅嘢，市民嘅感受可想而知！對農民嗰兩畝喺山卡喇嘅瘦田，市民一啲都唔痕，市民祗想城市更似返個城市，而唔係農民嘅冒險場同集中營。

農民可以城市農村兩頭食，發家致富嘅機會因此遠勝以務工為主嘅市民，噉嘅直接結果，除咗進一步加深粵地城鄉矛盾之外，仲會令粵地農民嘅反支意欲大降，粵地農民甚至有可能同南侵嘅撈頭民工聯成一線構成一個利益共同體，共同對抗粵地市民，呢樣嘢恐怕係粵獨最唔想見到嘅。2010年嘅撐粵語運動堪稱粵獨發端，不過參與呢次行動嘅，絕大部分係市民，市民深受支撈殖粵之害，利益損耗殆盡，唔反至奇，而粵地農民尤其係城郊農民處境仲似乎過得去，所以反心普遍唔強。噉嘅架勢，注定現階段粵獨祇會喺市民裡頭有市場，粵獨可唔可以喺農民裡頭生根，好視乎撈頭對粵地農民嘅命根，亦即係佢哋嘅土地權益侵害成點，假如粵地農民喺“入籍”城市嘅過程裡頭佢哋世居嘅土地好唔情願噉被剝奪（無可否認噉做至可以令農民變成真正嘅市民，不過相信99%嘅農民會話NO），噉粵獨自然有機。

大量粵地民工擁入城市已經造成粵地農村嚴重嘅空殼化，粵地農地丟荒嚴重，由於粵地同支那有著唔同嘅種植業獲利層級，喺粵地耕田較喺支那耕田更易獲利，基於利益勢能嘅驅動，而家唔少撈頭落嚟大粵“承包”田地灘塗山坡嚟耕田養魚養蝦種果種蕉。撈頭落嚟大粵遠唔淨祇同粵地市民爭飯碗咁簡單，撈頭仲趁著粵地農村空虛嚟搶奪粵農嘅基本生計。坦白講，粵地農村嘅空殼化極大噉降低咗農村嘅人口密度，為現代式大規模機械化農業生產創造出好有利嘅條件，企喺大粵農業科技進步嘅角度，粵獨係樂於見到噉嘅發展情勢嘅。但係喺另一方面，粵獨卻非常擔心大粵呢種農業科技進步嘅成果會畀撈侵食，譬如相關嘅上下遊產業鏈諸如種子化肥農機農電農資物料農產收購農產銷售等都畀撈壟斷，而且，粵獨對大粵農業現代化進程係咪畀撈操控亦極感憂慮，尤其係憂心畀撈操控著成個土地兼併過程，噉顯然會造成粵人農地變身撈資農場嘅惡果。

支那借“戶籍改革”更好噉殖民粵地就先唔講佢，呢篇嘢討論嘅側重點係“戶籍改革”對粵地市民同粵地農民所帶嚟嘅影響。坦言，城市化係而家世界嘅潮流，粵獨唔會刻意抗拒粵地農民大批擁入粵地城市嘅現狀，不過，唔抗拒並唔意味著大肆鼓勵，粵獨必須對依家市民同農民之間唔合理嘅事實上偏傾農民嘅利益分配機制作出改變。而家支那嘅所謂“戶籍改革”，除咗將粵地農村呢種嚴重嘅空殼化定格之外，無論對粵地城市抑或對粵地農村嘅長遠可持續發展，都冇助益，城市祇會變得更擠擁，並導致更多嘅無序惡意競爭（跳海珠橋我睇會日日上演），而農村祇會變得更蕭條，良田丟荒十室九空，並變相成老人院同“孤兒院”（所謂嘅留守兒童同隔代家庭喺粵地農村遍地開花）。粵獨認為，支那式嘅戶籍制度必須喺大粵徹底廢除，取而代之嘅，係引入更具民本色彩嘅原住民權利優先原則，並以呢一原則重新構築大粵市民同大粵農民和通共濟嘅大粵城鄉良性互動新關係。

原住民權利優先原則將透過原住民權利附加增益同非原住民權利附加扣減機制嚟有力壓止現時大粵內部農村人口向城市盲目無序噉浪湧。原住民權利優先原則喺城市嘅最重要功用，係旨在保護世居市民擁有佢所在城市嘅優先務工權。務工權對冇田冇地嘅市民嚟講，實在太重要，冇工就等於冇收入，而冇收入就等於冇飯開，所以，工係市民嘅命根，噉就有如田係農民嘅命根一樣。粵獨對市民務工權嘅保護，係絕對堅定嘅。原住民權利優先原則並唔限制農民入城，入城農民喺佢哋世居嘅農村嘅權益亦唔會有絲毫剝奪，不過，呢啲主動放棄務農而入城嘅農民喺城市嘅權益就要相應作出扣減，佢哋喺城市冇理由要求獲得同呢個城市世居市民一樣嘅權益，因為，噉唔公平，入城農民冇理由獲得雙重權利而令世居市民嘅權益受到唔公正嘅攤分。粵獨認為，大粵任何一個群體都唔應該亦唔被允許喺完好無缺噉享受原有權益嘅狀況下仲以“公平”為名嚟試圖謀取另一個群體原有嘅合情合理嘅權益。原住民權利優先原則同樣保護農民，呢一原則喺鄉村嘅最重要功用，係旨在保護世居農民擁有佢所在鄉村嘅土地使用處置優先權。以日韓民間農會為樣板，粵獨支持大粵鄉郊世居農民自發組建各類型合作互助式嘅農會組織，以保證喺現代農業集約化經營嘅狀態之下，大粵農村嘅土地所有權仲依然保有喺世居農民嘅手上而唔受到任何異化轉讓。原住民權利優先原則可以輕易杜絕因外來強勢力量對本地農地嘅侵吞而致使世居農民處於失地嘅悲慘狀態嘅發生。

原住民權利優先原則以家族世代為釐定權利嘅基礎，噉遠比以“戶籍”嚟釐定權利嚟得公平，因為，家世好難偽造，而“戶籍”則可以輕易噉通過拉關係走後門取得。原住民權利優先對保護冇權冇勢嘅草根同弱勢階層效用明顯，佢將輕易杜絕外來強勢移民取得同本地世居原住民一樣嘅權利，從而減少外來移民對本地人經濟權益侵擾同外來語言文化對本地語言文化凌駕嘅機會。原住民權利優先原則同時亦係地方自治得以貫徹嘅要害所在，我哋睇一個地方嘅自治成唔成功，好大程度上係以嗰個地方嘅權力利益語言文化習俗傳統有冇被侵害為依歸嘅，而呢啲地方權益保障成點，顯然就祇有嗰個地方嘅民眾尤其係嗰度嘅世居原住民最清楚。原住民對佢哋世居嘅地方最有感情，最珍惜嗰個地方，嗰個地方嘅語言文化習俗傳統亦都全賴於原住民嘅世代相承至可以留傳到依家，原住民為佢哋嘅世居地付出咗幾代人以至幾十代人嘅努力同貢獻，一個地方嘅權益有冇受損，亦祗有嗰度嘅原住民最有感觸。

原住民權利優先原則會最大程度噉保障每一個市民都喺佢世居嘅城市有工開、每一個農民都喺佢世居嘅鄉村有田耕，原住民權利優先原則係粵獨民本理念嘅最好展現，呢一原則亦將載入大粵憲法，粵獨將喺大粵國家嘅憲制架構上高確保我哋大粵嘅每一個國民生活都有所依。我堅信，祇有做足呢啲令大粵市民同大粵農民都嗒糖嘅功夫，粵獨至有機會喺大粵嘅城市同鄉村都砌得掂，以後我哋無論係奉行“茉莉花”式嘅城市革命，抑或係行喺廣大鄉郊農村建立粵獨割據區嘅路線，粵獨都將獲得大粵市民同大粵農民嘅支持而有運行。

講完點解救粵地城鄉矛盾，跟著就嚟講講粵潮關係。據我所知，廣州嘅城管多數係廣東嘅粵族人（廣府人），“專打潮汕人”呢句嘢用粵語噏出嘅成數相信遠高於用撈話噏出。呢句嘢假如用撈話噏出，噉多少代表著撈潮衝突，而舊年六月嘅古巷事件已經事實上證實咗呢種衝突爆發嘅幾率並唔細。而呢句嘢假如用粵語噏出，噉就預示著我哋唔想見到嘅粵潮衝突已經擺喺眼前。

喺粵獨狀態之下，粵潮關係可以用微妙嚟形容，點解噉講？皆因嚟自“既然廣府可以獨，噉點解潮汕、客家唔可以獨？”呢個困擾咗粵獨好耐嘅尖銳質詢。粵獨必須承認，呢個問題好有挑戰性亦好有殺傷力，佢伴隨著粵獨誕生，困擾著粵獨成長，呢個問題若然冇一個好嘅解答，日後佢必定會阻著粵獨發達。

事實上，粵獨已經喺理念建構呢一根源層面做咗好大調整，以力圖回應呢一問題對粵獨所帶嚟嘅挑戰。喺粵獨嘅初期理念裡頭，雖然並冇話到明要建立粵族單一國家（喺兩廣海南建立純粹粵族國家嘅諗法一直都唔係粵獨嘅主流意識），不過對潮、哎、壯、畬、瓊、黎、儂、瑤大粵其他八大族亦明顯冇作出重視。粵獨係一股新生嘅思潮，喺萌芽之初難免有所欠缺，不過重要嘅係，粵獨識得自糾，隨著對大粵各世居民族民主共和、大粵各世居民族語言同文化多元並處嘅不斷強調，而家嘅粵獨理念已經成熟好多，去支那化、自由憲政、強調世居、南越化、粵域各族共和、本土化、語言文化多元、地方自治已經成為粵獨嘅核心價值。

粵獨相信，祇有大粵穩守南嶺–盤江呢一粵支天然邊界，粵獨至可以確保具備堅固嘅先天疆域基礎（珠江流域自成一獨立地理單元而同支那本土嘅長江流域天然分割）。一旦守唔實南嶺–盤江線，粵獨處境必定牙煙，甚至冇可能存活，所以，粵獨要成事，就一定要靠粵、潮、哎、畬、瓊、黎、壯、儂、瑤大粵九大族嘅齊齊努力，因為，喺南嶺-盤江線以南，唔淨祇有粵族喺度世居。事實上，撇甩潮、哎、壯、畬、瓊、黎、儂、瑤大粵其他八大族，粵獨就會好擇使。

可以預見，九族聯合粵獨係最好嘅解決方案。不過即使係噉，呢一理念嘅踐行仍備受挑戰，而且肯定會引申出其他一大籮kik手嘅提問，諸如：“粵”真係可以代表晒成個兩廣海南咩？壯族做乜唔可以以“壯”或者“桂”嘅名義拖著成個廣西獨立，而要同妳九族聯合粵獨？潮族做咩自己唔潮獨？又或者同福建聯合搞大閩越呢？海南島向嚟自成一體，既然妳提得出九族聯合粵獨，噉瓊、黎、臨高、儋、哥隆、邁、門、占、蜑家等族齊齊聯合嚟瓊獨唔係幾好咩？等等諸如此類。

喺答呢一系列提問之前，我哋首先要搞清楚，粵獨（又或者潮獨、哎獨、畬獨、瓊獨、黎獨、壯獨、儂獨、瑤獨）嘅根基係乜嘢？佢係基於咩而提出嘅？呢個問題好好答，獨立源於民族自決，我哋係南粵大地上高嘅世居原住民族，我哋同外嚟嘅支那漢族係完全唔同路嘅。點樣認定我哋係區別於支那漢族嘅世居原住民？係我哋嘅語言，係同支那漢語好容易就區分得開嘅語言，咪矮化我哋嘅語言係咩“方言”，因為，我哋同啲支那漢撈絕對冇辦法清楚通話，完全係雞同鴨講。

呢個世界所有民族都享有佢哋自己自決嘅權利，雖然自決並一定導致獨立（佢好可能會導致其他結果，譬如自治），但自決卻係催生獨立嘅必須。基於獨立源於民族，民族源於語言呢一點，世界上所有噏著同一種可以輕易同其他語言區分開嚟嘅獨特語言嘅人群，都可以被認定係獨立民族，佢哋都有建立自己獨立民族國家嘅天然稟賦，顯然，粵族、潮族、哎族、畬族、瓊族、黎族、壯族、儂族、瑤族，都有噉嘅天然稟賦。

稟賦係乜？佢係潛能。而潛能同實際所掌控嘅能力係完全唔同嘅兩碼事，所以我哋先至會喺現實嘅政治世界裡頭見到噉樣嘅嘢：呢個世界可以有成千上萬個民族，但係祗係得區區二百幾個獨立國家同半獨立嘅“地區政治實體”。一個國家擁有多個民族係通常嘅情況，一個民族分別建立多個國家都有（諸如英語系嘅盎格魯-撒克遜人），但係就少見。

點解我哋所睇到嘅現實政治世界會係噉？假如稟賦決定一切，噉呢個世界應該有成千上萬個民族國家以一一對應呢成千上萬個民族，但係事實並非如此。顯然，除咗稟賦之外，決定一個民族國家實體存在嘅，仲有兩樣好重要嘅嘢：就係實力同地理位置。實力同地理嘅聯合作用，喺好多時侯，甚至要遠超稟賦，美加澳紐獨立於英國，就係最好例子。

“噉既然妳都識講實力同地理往往決定所有嘢，而家支那又咁“強”，黐我哋兩廣又咁近，我哋仲獨嚟托咩？咪盞搞。”我諗上邊呢啲未打先跪嘅投降說話大家一定聽唔少，事實上，噏啲噉嘢嘅人，唔係支奴，就係豬乸托世。係人都知而家支那嘅社會係處喺一個咩嘢嘅狀況，佢之所以仲未爆，全賴高嘅經濟增長率，不過資本主義嘅發展規律話畀我哋知，冇一個國家可以連續四五十年保持經濟嘅強勁增長，支那亦都絕唔會例外。分配不均導致內部消費乏力、支幣升值人工物料價格上升導致出口衰竭、計劃生育導致勞力供給斷纜、實業產業轉移導致經濟空心化、禁制民間資本流出導致熱錢橫流吹起泡沫推高民眾生活成本，而一旦開禁對呢啲積弊進行全面重執，支那恐怕會即刻蕭條。基於現行嘅支那政治架構，對呢啲嘢支那好難做到自淨同矯正，以致支那係“強”極有限，試問，粵獨有咩理由畀一個注定未富先老嘅所謂“強”國嚇窒？

而且，喺地理上高，我哋大粵亦都係同支那本部天然分割嘅。喺北邊，我哋有南嶺山脈，可以輕易噉同支那本部劃分開嚟。喺大粵中部，粵江（珠江）水系橫貫全粵，形成一個天然嘅水道交通網，粵江水道網係自成一體嘅，佢並唔從屬於支那境內嘅任何一個河流系統。噉好重要，因為喺古代，水路交通對移民拓殖同文化入滲嘅重要性要遠勝於陸路，尤其係對地處北熱帶高溫高濕嘅大粵嚟講。粵江流域水道對支那地理上嘅隔斷，使到古南越人可以喺長時間內唔受支那殖民移民同支那殖民文化嘅影響，可以從容噉喺大粵繁衍生息並發展出自己獨特嘅以銅鼓為標誌嘅青銅文明，並為日後大粵各世居民族具普遍性嘅越系血統奠立共同血緣基礎。

既然我哋有稟賦，地理形勢又正，支那又就快爆煲喇，噉要真正獨立成事仲差啲乜？係實力。支那雖然注定未富先衰，不過，佢始終有返咁大件，唔易搞嘅，喺而家大粵，粵、潮、哎、畬、瓊、黎、壯、儂、瑤九大族裡頭，有足夠實力可以將支那勢力驅逐到南嶺以北嘅，就祇有粵族。不過粵族淨係分佈喺大粵中部，並唔擁有大粵嘅全部地利，假如唔同潮、哎、畬、瓊、黎、壯、儂、瑤八族聯手，粵族單獨獨立，噉外圍嘅地理形勢肯定會對維持純粵族國家嘅獨立極之不利。我哋不妨試諗下，北拒支那嘅南嶺–盤江天險冇咗一大半，又掌控唔到成個粵江水系，邊境離國家嘅心臟：珠三角核心產業區唔夠200公里，會對純粵族國家嘅國防造成咩嘅壓力？睇怕祇能用險峻嚟形容，既冇天險又冇縱深，十足十嘅易攻難守。先前就有人話齋廣東獨立就夠，唔使拖埋廣西，甚至有人講粵東之地盡可棄之不顧，呢啲諗法無疑鼠目寸光至極。粵族當然可以選擇剔除大粵其他族裔嘅參與，喺自己嘅世居地之內單獨建立純粵族國家，之但係，呢樣嘢一定會係一個好差嘅獨立選項嚟囉。

除咗粵獨之外，喺嶺南有潛在實力同意願抗支嘅（可唔可以將支那逐去嶺北噉係另一回事），顯然仲有潮獨、瓊獨、壯獨三家。客家（畬哎兩系）人口唔少，地盤亦多（雖然多數係山卡喇），不過佢哋居地分散，內部凝聚有限，以興梅哎為龍頭嘅“泛客”經常遭到其他地方哎人嘅抗拒，粵西哎人一直就自稱“哎”，粵北哎人對“客家”少有認同，以惠州為代表嘅東江流域畬話人更公開唔認同自己係所謂嘅“客家”，客系分裂可見一斑。加上“客家”一向有自欺欺人嘅傳統習性，自以為佢哋係“中原正宗”，以致客系（畬哎）民性普遍偏奴而傾支，所以佢哋更鐘情喺支那嘅架構下低“仕官”，反支之心可以話係毫無。坦白講，“客家”雖然內裂，不過實力仲係有嘅，之但係佢哋而家成族人都深陷入支那“漢中原”嘅文化迷思當中，乜哎獨、畬獨、客獨，都係唔使預佢哋囉。

若然齋望地圖，驟眼睇瓊獨嘅地理形勢真係要比粵獨優勝，畢竟海南島同大陸隔著道海，孤懸海中，遠離大粵本部之餘更遠離支那，真係夠晒隔揳，毋庸置疑，地利的確為有心統領瓊獨嘅瓊族人帶嚟實惠。瓊族現時喺海南本島佔據住人口優勢，不過，佢哋嘅人口絕對總量並唔算多，而且偏居島東同島北，瓊族世居地嘅面積唔及海南本島總面積嘅一半。海南經濟一向都唔標青，甚至可以話係積貧積弱，本土瓊族同海外瓊僑所擁有經濟力量亦屬單薄，所以瓊族即使想瓊獨，亦必然要面臨海南島內其他族裔嘅強力挑戰（佢哋顯然擔心自身文化傳承同經濟權益會唔會受到瓊化侵擾），即使瓊族提出瓊、黎、臨高、儋、哥隆、邁、門、占、蜑家九族聯合瓊獨，以瓊族依家嘅實力，亦難以整合到呢啲分歧。瓊族唔係粵族，粵族喺兩廣本部嘅影響力要遠遠強於瓊族對海南本島嘅影響力。而且，分隔海南同大粵本部嘅瓊州海峽亦唔係咩天險，好天嘅話從海峽北邊嘅海安港可以好清楚噉望到海峽南邊嘅海口市，呢樣嘢對瓊獨嚟講係致命嘅，瓊獨並唔具備臺獨噉樣嘅得天獨厚嘅先天地理稟賦，因為，瓊州海峽唔係臺灣海峽，佢窄而淺。瓊獨同粵獨係一榮俱榮，一損俱損嘅，假如大粵本部悉數淪陷，支軍重兵屯駐雷州半島，瓊獨單憑一己之力根本冇可能阻止到支兵渡海犯瓊（唔好發白日夢指望越南美國法國會出兵相助，越美法為咗海南而同支那開戰成數有幾高三歲細路都估得出），冇粵族喺北邊大粵本部嘅抗支，海南門戶就會即時洞開，到時，瓊族冇話要守實成個海南，就連守實佢哋喺海南島東同島北嘅世居地，幾率亦會係零。

廣西嘅壯族實質上係兩個親緣民族嘅集合體，北邊嘅壯族（北壯）同南邊嘅儂族（南壯）係兩個唔同嘅民族，壯語同儂語雖然同屬侗臺語系，但係兩者卻冇辦法直接通話。喺支那，壯儂被視為一族，雖然南邊有粵化傾向嘅儂族一直都畀北邊川撈化嚴重嘅壯族食住，不過壯儂之間嘅拗撬並冇好似“客家”裡頭嘅畬哎分歧咁大。壯儂而家喺支撈嘅刻意扶植之下，以少數族裔身份得以號令成個廣西，桂西北嘅山仔窮鬼騎喺有米富庶嘅桂東南粵族頭度，呢樣嘢已經令佔廣西世居人口大多數嘅粵族人不滿咗好耐，假如係民選政治一人一票，試問壯族又點會有呢支歌仔唱？統合壯儂以壓制粵族，已經成為支撈殖民廣西嘅公開秘密，不過，呢一機制亦同時強力噉壓制住壯獨，甚至仲令壯族對支撈感恩戴德，以致主動撈化。可以預期，“廣西壯族自治區”一日喺度，壯獨、儂獨一日都唔會發圍。

至於黎獨同瑤獨，以及一啲略具規模嘅大粵本土族群諸如平話人、雷族、海陸豐族、土話人等等，同其他大粵世居少數族裔，唔係居地分佈零散民力難以聚集，就係地狹民稠僧多粥少，或者乾脆人丁單薄連母語都瀕危，佢哋嘅獨立夢，更屬遙不可及，而僅僅存有理念上嘅可能。點樣爭取更大嘅地方自治權利，對佢哋嚟講比講獨立更加實際。

喺依家大粵境內，潮族毫無疑問係除咗粵族之外最具實力嘅一個世居族群。潮族雖然喺人口總量上僅排行大粵第四（約1245萬，成個潮-海陸豐系亦祗有1510萬），遠少於粵族（包括四邑人同蜑家人共約5580萬）、畬哎（亦即所謂嘅“客家”，共2665萬，當中哎族約2035萬，畬族約630萬）、壯儂（共1815萬，當中壯族約1230萬，儂族約585萬），不過潮族卻有著驚人嘅種群繁衍力，早婚多生養嘅觀念喺潮族民眾裡頭早已深入骨髓，並似乎已經成為佢哋嘅民族文化標識，多年嚟，潮族育齡婦女嘅平均生育率同潮汕地區平均人口密度一直都高據大粵榜首。喺大粵，潮族齊心係眾所皆知，佢哋有好強嘅民族凝聚力，大粵本土潮族人雖然欠缺政治熱情，但係卻秉承潮人熱衷經商嘅民族傳統，潮商資本喺大粵私人資本裡頭佔有好大份額，大粵嘅各行各業都畀我哋輕易噉見到潮商嘅參與。潮族喺海外尤其喺東南亞有著龐大聚落，海外潮僑嘅總人口甚至比大粵本土嘅潮族人口仲要多，東南亞潮僑喺僑居國更擁有顯赫嘅政經影響力。凡此種種，都足以令潮族成為僅次於粵族嘅大粵第二大強勢族群（畬哎同壯儂雖然亦人多地廣，但係佢哋啲地全部都係荒山野嶺，民窮地脊產經孱弱，畬哎喺東南亞嘅僑民亦遠唔及潮僑咁把炮）。

以潮族依家嘅經濟實力同族群凝聚力，潮族要建立自己嘅單一民族國家，就遠唔僅僅停留喺純綷理念上高，而係有確切實現嘅潛在可能。雖然廣東而家冇幾多個純潮族縣（即使喺潮汕，有好多縣份潮族人都係同所謂“客家”，亦即係哎族人混居嘅），但係潮族人依然可以通過奉行潮哎共和嚟達至潮獨。不過，潮獨仍然要面臨著一個極之險峻嘅挑戰：就係領土太細，先天地理稟賦嚴重不足，國土防禦迴旋餘地好少。潮汕雖然背山面海，容易得到海上支援，不過北邊嘅蓮花山-鳳凰山山勢並唔險峻，兼且寬谷甚多，極易畀南攻嘅支那兵所利用，一旦畀支軍突破蓮花山-鳳凰山防線，潮獨國家嘅心臟：潮汕平原就會即刻毫無遮掩噉暴露喺支軍嘅槍口之下，呢陣時假如得唔到外力支援而單靠潮族自身嘅軍力，要擊敗支那，成功嘅幾率老實講真係好微。至於撐潮嘅外力喺邊？美國日本呢啲唔實際嘅，美國佬冇可能為咗妳粵獨、潮獨、瓊獨、壯獨而貿然出兵支那，日本係想，不過佢有心冇力，況且畀日本兵登陸嘅政治風險會好高，畢竟二戰日軍攻粵嘅陰影仲顯著喺度，民眾明顯唔受。哎族同閩南，實力所限，自身難保。所以潮族獲得真正支援嘅可能，祇有兩度，一度係臺灣，一度係粵族。

先講臺灣，佢必定會力撐臺海對岸嘅乜獨物獨，總之支那嘅邊境離佢係越遠越好。不過臺灣亦有佢嘅難處，佢祗不過係一個好細嘅島國，戰備資源有限，所以佢冇可能對所有乜獨物獨予以同一等量嘅支持。基於地緣同族群親緣嘅考量，我哋有充足理由相信，佢嘅軍援，重心必定會放喺福建，受惠嘅主要係閩獨，或者仲有福獨，潮獨從中獲益估計唔多。假如臺軍真係喺大陸佈防，佢第一選擇一定係福州同廈門，汕頭嘅機會唔係話冇，不過有咩唔掂肯定係先撤嗰隻，就重要性而言，潮汕對臺灣，顯然及唔上福廈，失咗潮汕，甚至福廈，對臺灣都唔會構成即時致命嘅打擊，畢竟仲有條超闊嘅臺灣海峽隔著，再加埋美國嘅第七艦隊，大吉利是講句，就算臺海對岸嘅乜獨物獨全部瓜晒，臺灣都有資本超然自處。

相比臺灣嘅超然，嚟自大粵中部腹地嘅粵族顯然就冇咁輕鬆，粵族唔具備可以令自己好似臺灣噉咁自在嘅地理環境。粵族世居地冇險可守，假如潮汕同興梅一帶嘅粵東畀支那控制，噉粵族就會即刻陷入東、北兩面受敵嘅險地。潮粵嘅利益關聯係唇亡齒寒，要遠大於潮臺，粵族可以為潮族嘅自由賠晒成付身家，臺灣好難有噉嘅動能做出咁大犧牲。喺撐潮眾外力當中，粵族必定係最堅定者，冇粵獨嘅介入，潮獨唔會有機會成功，粵獨瞓身撐潮，祗求一個回報：就係粵獨同潮獨合流，粵潮兩域統合以攜手抗支，噉嘅結果，對粵族對潮族都係雙贏。

喺歷史上，潮族受支那殖民化嘅影響唔會遜色過畬哎，佢哋鶴佬=河洛嘅牽強附會嘅民族緣起傳說由頭到尾充斥著支那味，對於古越人嘅追憶，潮族並唔似得粵族噉咁倍加珍視同緬懷，噉嘅結果，直接導致潮族嘅脫支之心唔得堅定，而事實上，潮族亦一直都冇反叛支那嘅傳統。不過噉，之前冇唔等於佢而家冇更唔等於佢以後唔會有。喺2010年嘅撐粵語運動裡頭，潮族民眾對粵族嘅抗爭行動普遍展現同情傾向，呢一態度同“客家”嘅反唇相譏形成強烈反差。拋開一啲粵族對潮族事後投桃報李式嘅感性化讚美，理性啲去睇潮族對撐粵語運動嘅同情，我哋就可以輕易發現，呢種同情其實祗係潮族對支那漢撈侵蝕自己本民族語言文化嘅一種不滿嘅反射，呢種同情嘅本身預示著潮族嘅民族覺醒經已隱隱噉緩慢醞釀，而舊年6月嘅古巷事件更令我哋確切感受出呢種覺醒嘅長足進展。

喺大粵，潮族嘅抗異質化能力僅次於粵族，好多潮族人即使嚟到粵族嘅大本營廣州，仲依然可以將佢哋自己嘅母語保持得相當好，尤其係喺佢哋族群內部交流嗰陣。潮族唔單祇有相當唔錯嘅抗廣州話抗體，仲有好好嘅抗煲冬瓜抗體。呢種全方位抗異質化嘅標青基因對於一個民族嘅覺醒係好關鍵嘅，睇返而家“客家”，佢哋喺睇待自己本民族語言凋零嗰陣，淨識一味埋怨粵語侵蝕卻又唔似得潮族人噉識得自己做應激保護，對嚟自支那嘅殖民同化佢哋更淡然視之，甚至自願撈化，“客家”而家畀撈迷到暈暈炖炖，可以講佢哋成個族群嘅抗異質化基因都係嚴重缺損嘅，噉亦正正可以解釋到點解直到依家，畬哎系尤其係哎族嘅民族覺醒仲係咁遙遙無期。

粵哎喺150年前滿清咸豐年間種族大仇殺（亦即所謂嘅“土客械鬥”）嘅唔愉快記憶、支共喺1949年建政之後刻意以“客”治粵、“客家”因為自己本民族語言凋零而對粵語唔公道嘅怪責，都令到而家嘅粵哎關係隔閡重重，貌合神離。坦白講，畬哎系尤其係哎族一日未民族覺醒，仲甘心於做支奴，粵獨都咪使旨意可以爭取到佢哋嘅支持。現時坊間訛傳著一個由泛“客家”造神者編造嘅大話，呢個大話將太平天國運動嘅族群主體由粵壯換咗做“客家”，祇要畀佢哋認為係好嘢，啲泛“客家”造神者都會極力收編，以致到吹水唔maat嘴嘅地步。其實祇要有多少歷史同邏輯知識，我哋都可以輕易踢爆佢哋呢個大話：由花縣沿西江到桂平，係太平天國運動發端時期嘅主要活躍區域，沿路冇一噠地方係“客家”嘅世居地，嗰啲地方嘅原住民多數都係粵人同壯人，試問啲“客家”又點可能成到太平天國嘅揸Fit集團？夾硬將太平天國運動去粵去壯化，顯然係對粵人同壯人嘅侮辱，事實上，粵壯兩族喺160年前太平天國起義時期，就有過緊密嘅合作，粵壯同盟曾經一度穩固噉存在。不過，隨著支共喺1958年一手炮製出“廣西壯族自治區”，粵壯間嘅親密關係就急速遭遇冷卻，現時成個粵族同壯儂系嘅關係明顯受廣西粵族同廣西壯族相互間嘅埋怨拖累，以致百幾年前粵壯同盟嘅好景唔再。

粵族同畬哎系關係受歷史同現實雙重拖累，而依家粵族同壯儂系嘅冷淡則係支撈刻意分化瓦解嘅結果。相對嚟講，粵潮冇乜過節，兩族無論喺歷史上抑或喺現實上，相互合作都要遠多於敵視對抗，粵族真係好應該珍視呢一個有強勁實力嘅潛在盟友。現時，粵獨已經誕生，但潮獨仲未見影，雖然我哋唔知潮獨會幾時確切現身，不過粵獨顯然唔應該等，粵獨依家就要做好粵潮合流嘅統籌，潮獨越苗芽越細小，粵獨成功統合到佢嘅幾率就越高。而家推進同反制粵潮合流嘅因素縱橫交錯，點樣令呢啲元素趨吉避兇咪刺激到潮族滋生分離脫越思想以有益於粵獨，噉除咗考驗我哋嘅政治策略同智慧之外，仲好視乎我哋粵獨理念對粵域各世居文化嘅包容度去到邊度，強調“純粵”，忽略潮、哎、壯、畬、瓊、黎、儂、瑤大粵其他八大族，顯然祗會為我哋帶嚟反效果。

或者有一種諗法係：即使我哋極力避免laat着潮族脫越嘅火頭，支那亦顯然會借潮獨嚟大做文章以制衡粵獨。我哋不妨諗深一層，支那殖民潮汕兩千幾年，一直視潮汕係支那屬地，雖則可以勉強以牽制粵獨為名嚟撐潮獨，不過明確支持一個曾經屬於自己嘅地方獨立，支那唔通就唔怕惹火燒身？觸發骨牌效應？承認潮獨，唔係明擺著承認粵獨港獨臺獨藏獨疆獨蒙獨等一系列顯明嘅脫支力量嘅合理同合法性咩？既然妳支那連潮獨都可以承認，噉澳獨閩獨吳獨滿獨回獨呢啲隱匿多時收著收著未發嘅脫支力量必定嘩然，妳支那點解唔承認埋我哋？以支那漢撈根深蒂固嘅大一統迷思，佢哋係絕對唔會做呢啲違背“大是大非原則”嘅事嘅，日本嘅琉球、菲律賓棉蘭老島同蘇祿群島嘅摩洛人、印度東北嘅阿薩姆分離運動，支那都冇主動噉介入過，好明顯佢怕畀境內嘅異民族揸到雞腳：妳既然可以明撐競爭國嘅分離運動，噉點解妳唔畀我同妳一刀兩斷，各行各路？支那漢撈嘅大一統迷思基因，注定支那非但冇動力去催谷潮獨，連瓊獨、壯獨呢啲，佢都係唔會撐嘅，淡定喇。喺脫支嘅大環境下低，點樣順勢統合埋潮獨、瓊獨、壯獨，粵獨顯然可以使出大粵世居民族民主共和、大粵世居民族語言同文化多元並處呢兩招殺手鐧。

——————–

另閱：

反殖民禍根

http://confedcantonia.blogspot.com/2012/02/blog-post_24.html

論大粵民國嘅三大立國基石 以及大粵憲政架構構築所應堅持嘅立場

http://namyuekok.freeforums.org/topic-t4957.html

自治同殖民

http://namyuekok.freeforums.org/topic-t4971.html