368 烏坎咁猛 海陸豐嘅人文要素好緊要

368 烏坎咁猛 海陸豐嘅人文要素好緊要



烏坎係海陸豐地區，唔係潮汕，咪搞錯。海陸豐語同潮州語根本冇法互相通話嘅，佢哋係兩種語言嚟，不過佢哋同屬閩南語族。海陸豐語同潮州語嘅親緣度甚至唔及粵語同平話嘅親緣度。

海陸豐人據講係嚟自較晚近時期（唔超過600年）嘅閩南漳州，所以海陸豐話同依家嘅閩南話反而比較似，事實上海陸豐人係當地古南越土著+當地古閩越土著嘅閩南化種。而潮族人據講係嚟自較早時期嘅閩東莆田，事實上潮族人係當地古閩越土著嘅莆田化種。由於莆田化出現較早（至少有1300年以上），所以依家嘅潮州話經已同今時今日嘅閩東莆田話好唔同，同廈門漳州泉州一帶嘅閩南話更加係兩碼事。

海陸豐喺歷史上一直同惠州關聯密切，海豐陸豐七百幾年嚟一直都係惠州府同惠陽地區嘅屬縣，而同潮州汕頭嗰邊反而冇乜交流。海陸豐人狼胎一直都好開名，械鬥激烈，成日打交嘅，若然唔係都唔會有“天上雷公，地下海陸豐”呢句嘢。而潮汕嗰邊民風就林善好多。

海陸豐兇悍民風其實嚟自當地古老嘅古南越土著同古閩越土著血族仇殺嘅遺俗，封閉嘅地理環境更加強咗呢樣嘢。海陸豐山多地少又臨海，地方隔涉，地理環境呈三角形封閉盤地態勢，自成一系，西有蓮花山脈直插入海阻隔同珠三角嘅聯繫，東有惠來普寧一帶嘅葵嶺阻隔開海陸豐同潮汕平原，海陸豐嘅核心地帶不過係一塊狹窄嘅沿海平原，最攞命嘅係古南越同古閩越兩大族群偏偏就交匯喺呢個局縮嘅細地方，唔同族群再加上環境封閉再加上山多地少，區內嘅人唔成日爭地争食打交至奇。由古南越+古閩越+閩南漳州化最後混雜出嚟嘅海陸豐族，繼承先祖鍾意打打殺殺嘅傳統係好必然嘅。

順便講句，當年澎湃就係倚靠海陸豐農會嘅勢力喺海陸豐起事，捽之畀佢搞出咗全大粵第一個左翼自治政權。依家嘅烏坎對比嗰陣時嘅左翼農民海陸豐政權，真係蚊同牛比。