323 粵獨先知應該堅守自己嘅理念 而唔係盲從嗰啲未覺醒粵民嘅民意 祗有噉 粵獨至會有成功嘅希望！

323 粵獨先知應該堅守自己嘅理念 而唔係盲從嗰啲未覺醒粵民嘅民意 祗有噉 粵獨至會有成功嘅希望！

坦白講，我對港大學生會登廣告主動嗌“中央”關注，係好難接受。不過陶傑喺佢呢篇《笑賞大撕裂》裡頭，以另一種視覺去解讀，卻係令我茅塞頓開，雖然我依然唔認同港大學生會嘅親支傾向，但係我好認受陶傑嘅呢一主張：祗要妳堅信妳自己嘅理念係啱嘅，而妳又具有引領思潮嘅能力，噉妳就可以乾坤獨斷，破局獨行！

而喺李怡嘅《1200人決定香港核心價值的存廢》裡頭，亦明確指出：凡負責任嘅政客，必須忠於自己嘅理念同信念，並審時度勢作出有效嘅選擇，既不畏權勢，亦不畏群情。若事事都跟從民意作取捨，噉就等於廢咗自己嘅理念同堅持，亦等同放棄自己嘅責任，淪為民粹主義者喇。

我諗呢樣嘢對我哋粵獨嘅先知嚟講啟發係好大，喺粵獨萌芽之初嘅現階段，粵獨理念嘅建構係純粹粵獨先知嘅事，未覺醒嘅粵民根本唔會理解亦冇能力去理解先知嘅遠見，假如呢陣時過份強調民意，盞蠶蟲師爺自困自，粵獨永遠難成！試問喺蒙昧之初，又點會有巨眾認同粵獨之光呢？

最顯明嘅例子莫過於粵文拉丁化，粵獨先知都清楚呢樣嘢對粵獨、對大粵建國之後嘅長久續存係幾咁緊要，假如毫無原則噉遷就而家嗰啲未覺醒粵民嘅民意，噉大粵嘅長久續存就難有指望！

民意查實係羊群，好多時膚淺盲目而衝動，而且民意呢家嘢好海鮮，好講求實時，尋日嘅民意唔等於今日嘅民意，祗要捉正用神插啱要害，再傾力向一個方向催谷，噉民意就會漸次認受粵獨嘅一切主張。

——————-

陶傑：笑賞大撕裂

http://namyuekok.freeforums.org/topic-t5053.html

李怡：1200人決定香港核心價值的存廢

http://namyuekok.freeforums.org/1200-t5052.html